HEMEROTECA DE NOTAS PRENSA

O CONCELLO ULTIMA OS CONTIDOS DE “VILAVERÁN” QUE ESTE ANO OFERTA 400 PRAZAS

O campamento ofrece nesta edición dúas opcións horarias, con prezos que oscilan entre os 50 e os 30 euros e a gratuidade para as familias vulnerables.

Vilaboa, 20 de maio 2024.   O Concello de Vilaboa pon en marcha o seu programa de conciliación familiar para as vindeiras vacacións estivais, Vilaverán, que oferta actividades lúdico-formativas para rapaces con idades comprendidas entre os 3 e os 14 durantes os meses de verán. Nesta edición, na que os interesados poderán formalizar a súa inscrición do 17 ao 28 de xuño, o Concello presenta importantes novidades ao estar a actividade incluída no Plan de Igualdade para a cidadanía. Esto converte a Vilaverán nun servizo de axuda ás familias con nenos e nenas menores a realizar a conciliación da vida persoal, familiar e profesional.

 Vilaverán ofrecerá este ano dúas opcións horarias co obxectivo de adaptarse ás necesidades de cada familia, acollendo menores con todo tipo de capacidades e atenderá tamén as situacións de familias sen recursos.

 A actividade, que se desenvolverá nas instalacións do colexio Plurilingüe de Riomaior, consiste nun campamento de verán dirixido á poboación infantil e xuvenil que permite aos menores participantes gozar de actividades educativas durante o período estival, todos os días laborais dos meses de xullo e agosto e ofrece ás familias conciliar e ao mesmo tempo formar parte das actividades deseñadas para fomentar a co-responsabilidade.

 O programa Vilaverán saiu este ano a licitación por un importe de 35.000 euros e unha das obrigacións da empresa adxudicataria será o emprego do método SEM, un modelo de enriquecemento escolar que supón unha innovación na atención educativa, xa que permite a mellora curricular de xeito transversal. “Este modelo está pensado para que o profesorado cree un espazo de aprendizaxe non limitado á exposición de coñecementos e a súa repetición polo alumnado, senón centrado nas competencias claves para o século XXI: creatividade, comunicación, colaboración e pensamento crítico”, apunta César Poza, alcalde e concelleiro de Cultura.

 O goberno local elaborou este ano unha ordenanza que regule o prezo público das prazas ofertadas no Vilaverán, un total de 100 por quincena que quedou fixado en 50 euros por período  para os participantes en horario amplio; 30 euros para o horario normal e gratuito para as familias con cobertura de Servizos Sociais. O coste global de cada unha das prazas ascende a 88,22 euros, xestionando o Concello de Vilaboa a diferencia entre a aportación das familias e o prezo final.

 As familias interesadas en beneficiarse desta iniciativa poderán formalizar a súa inscrición en xuño chamando ao número de teléfono 986 673 806 ou presencialmente na Casa de Cultura de Riomaior.

Para Carmen Gallego, concelleira de Igualdade, este programa de conciliación de verán  é unha oportunidade para garantir o acceso das mulleres ao mercado laboral no verán “xa que a carga dos coidados familiares segue a recaer principalmente en nós”. Engade que acadar a conciliación garante que pais e nais poidan acceder a un posto de traballo e permanecer nel sen que a situación familiar sexa un elemento que afecte negativamente.

VILABOA ADÉNTRASE NA SEMANA DAS LETRAS CON CATRO ACTIVIDADES GRATUITAS PARA A CATIVADA

Espectáculos musicais, de títeres e contacontos confirman a proposta cultural para nenos e nenas na Casa de Cultura de Riomaior.

.

Vilaboa, 15 de maio 2024. O Concello de Vilaboa entrou de cheo na Semana das Letras cunha programación diaria orientada ao público infantil da man da Rede de Bibiliotecas de Galicia e dentro do programa local Reactiva Vilaboa que busca a dinamización cultural do municipio. Todas as actividades teñen lugar na Casa de Cultura de Riomaior e son totalmente gratuitas.

Este ciclo cultura organizado para coincidir coa celebración das Letras Galegas arrancou este martes co espectáculo infantil “Dúas heroínas voando van” e continuará hoxe con “Alicia no País das Maravillas”, unha recreación para títere baseada no relato de Lewis Carrol e recomendada para cativada a partir dos 4 anos.

Conducidos polo coello branco, os asistentes seguen con expectación as aventuras da pequena Alicia neste mundo onírico e fantástico que late debaixo da terra; alí meréndase coa Lebre de Marzo, o Sombreireiro Loco e o Lirón e xógase ao críquet coa Raíña de Corazóns. Trátase dunha actividade incluída no catálogo de “Ler conta moito”, da Rede de Bibliotecas de Galicia que dará comezo ás 18 horas.

Tamén na Casa de Cultura de Riomaior a poboación infantil ten unha cita coa Bibliocanta o día 16 ás 18.30 horas. Esta actividade está deseñada para que os nenos e nenas se acheguen ao cancioneiro tradicional galego ao tempo que saborean e gozan das cancións propostas; permitindo recupear e que non caian no esquecemento estes ditos, recitados e cancións transformándose de novo nunha forma de ocio e de expresión.

A semana adicada ao público infantil remata o venres 17 de maior cunha sesión matinal que dará comezo ás 12 da mañán con “Leo e a música” na Casa de Cultura de Riomaior. Leo, o león máis curioso da selva, atópase nun paseo con diferentes animais e escoita os seus sons particulares e solicitará a colaboración da cativada para descobrir toda a música que hai ao seu arredor.

As actividades culturais continuarán en Vilaboa o día 21 de maio cunha nova sesión do Salinas Club de Lectura ás 20 horas na BiblioCRA de Vilaboa para analizar a obra “O mar que nos leva” da escritora Moncha Fuentes.

Os estatutos do Salinas Club de Lectura recollen entre os seus obxectivos fomentar a lectura e escritura entre a poboación de Vilaboa e na sociedade galega en xeral, tanto no ámbito rural como no urbano; compartir afición pola lectura tanto de autores galegos como non galegos, en lingua galega e castelán e crear un circuito de autores e firmas que permitan presentalos e coñecelos en persoa, e á vez promocionar a súa obra.

César Poza, alcalde e concelleiro de Cultura, destaca a importancia de organizar actividades ligadas á literatura infantil para fomentar o hábito lector entre os máis pequenos de xeito que relacionen ocio e lectura, un xeito lúdico de formar unha sociedade crítica, analítica e esixente. “Os nenos e nenas que esta semana teñen a oportunidade de asistir a unha boa selección de actividades vencelladas á literatura estou seguro de que serán, de adultos, membros dun club de lectura”, apunta.

AS ACTUACIÓNS DE TREIXADURA E DA ESCOLA DA BANDA DE MÚSICA DE VILABOA ABARROTAN A CARPA DA FESTA DO VIÑO

O xornalista Oswaldo García reivindica no seu pregón a Denominación de Orixe para os viños elaborados na IXP Ribeiras do Morrazo.

Vilaboa, 13 de maio 2024. A XI Festa do Viño de Vilaboa recuperou este ano a figura do progoeiro, que na pasada edición cedeu o seu protagonismo a un acto de homenaxe ao alcalde e tenente alcalde promotores deste evento (Luis Poceiro e Xabier Míguez). Este ano foi o reporteiro de Radio Pontevedra e veciño de A Cardiña, Oswaldo García quen se encargou de pór en valor a calidade dos viños elaborados na IXP Ribeiras do Morrazo. E recoñeceu saber moito das diferentes fases do proceso productivo que conclúe coa produción embotellada e catada nos diferentes furanchos do municipio; aos que tamén se referiu lugares de encontro de referencia social e nos que os temas de debate acostuman a xirar en torno á calidade ca colleita, ás mans de sulfato dadas ou ás dificultades da vendima. Un pregón que rematou co desexo ao sector de conseguir a ansiada Denominación de Orixe para estes viños.

A lectura do pregón tivo lugar trala entrega dos premios e recoñecementos a adegueiros e viticultores recoñecidos na cata da IXP Ribeiras do Morrazo celebrada no contexto da Festa do Viño, un acto presentado pola concelleira de Dinamización Económica, Carmen Gallego e na que o alcalde, César Poza estivo acompañado polo delegado da Xunta en Pontevedra, Agustín Reguera e pola concelleira de Servizos Sociais, María Canosa.

Recolleron a súa distinción as adegas Os Areeiros e Ardán, que compartiron tres ouros na categoría brancos polos seus viños “Areeiros”,  “Tres hermanos” e “Praia do Santo”; mentras que en tintos adega Os Areeiros fíxose co ouro e a prata recaiu  no viño Porta do Conde da adega Ardán.

En canto aos colleiteiros, na categoría dos tintos, o Primeiro Mellor Viño tinto foi para Martín Torres González “Casa Cañoteira”; o Segundo para Furancho Antonio e o Terceiro para Furancho de Jorge mentras que nos brancos o Primeiro foi para Nilda Alvariña, o segundo para Furancho Antonio  e o terceiro para Elisa Ruibal García “Casa da Boullosa”.

César Poza, pola súa parte, destacou a consolidación da Festa do Viño, a boa participación do sector pero sobre todo o ambiente agradable e familiar que se rexistrou durante estes dous días en Riomaior, convertindo o evento nunhas xornadas de confraternidade.

A Escola da Banda de Música de Vilaboa tomou esta mañán o relevo musical ao concerto de Treixadura, que durante a noite do sábado abarrotou o recinto de Riomaior, no que arrancou a súa xira galega 2024 e mesmo adiantou algúns dos temas ainda inéditos do seu próximo traballo. Un detalle que o numeroso público asistente agradeceu con improvisados pasos de muiñeira ao son das gaitas dos integrantes de Treixadura. Unha implicación moi similar á lograda este medio día pola Escola da Banda de Música de Vilaboa, que desperta en toda a veciñanza de Vilaboa un orgullo especial.

CREAN EN VILABOA UNHA ASOCIACIÓN VECIÑAL PARA PROMOVER A CONCENTRACIÓN PARCELARIA

As persoas impulsoras deste colectivo convidan á veciñanza a interesarse e implicarse nesta iniciativa.

Vilaboa, 9 de maio 2024. Un minifundismo extremo, o incremento de parcelas agrarias improductivas, unha masa forestal sen explotación sostible son algúns dos rasgos do territorio vilaboés como consecuencia da evolución demográfica rexistrada nas últimas décadas.

Unha realidade da que parte a recén constituida asociación veciñal Concentración de Vilaboa e que ambiciona promover unha parcelaria en todo o municipio. Tanto Mario Dios, presidente do colectivo, como Daniel Moradiellos, secretario, ven na Lei de mellora da estrutura territorial agraria de Galicia un reflexo do que está a acontecer en Vilaboa: “Cada vez menos persoas se adican ao traballo da terra o que provoca que se incremente o número de parcelas abandonadas e cada vez é maior a porcentaxe de poboación que se desliga do rural”. Parcelas pequenas, dispersas e polo tanto pouco rendables debuxan un panorama que o novo colectivo quere mudar a través dunha parcelaria que agrupe as terras, tanto agrarias como forestais, como punto de partida para unha maior produtividade.

Hai xa uns meses, a nova asociación sondeu á veciñanza, porta a porta, na parroquia de Vilaboa “e encontramos un interese practicamente total entre as persoas consultadas. E vimos que as súas inquedanzas están perfectamente reflexadas na exposición de motivos das sucesivas leis desenvolvidas pola Xunta nas que falan de pequenas parcelas, dispersas, abandonadas e descoñecidas polas novas xeracións que se alonxan do rural”.

E nese porta a porta, Mario Dios e Daniel Moradiellos encontráronse con que “a xeración dos avós é a que hoxe ten maior interese na concentración parcelaria porque ven que os seus netos non só se alonxan do agrario, senón que ata descoñecen as parcelas”.

Con este traballo feito hai xa uns meses organizaron a primeira reunión informativa no colexio do Toural, na que volveron constatar un interese crecente en dar os primeiros pasos para que a concentración parcelaria chegue a Vilaboa, o que os animou a constiturise como asociación, sumando ao equipo a Elena Crespo e a Iovanna Perdiz. “Para dirixirnos ás administracións temos que ser un colectivo legalmente constituído, e esa é a senda na que estamos”. Confían en poder trasladar as súas pretensións á Consellería de Medio Rural en breve, para que un equipo técnico determine a viabilidade da parcelaria en Vilaboa.

A asociación ten previsto organizar máis xornadas informativas no municipio e convidan á veciñanza a implicarse e participar para levar a bo porto este proxecto. Tamén a poñerse en contacto co equipo directivo e solicitar máis información a través do correo electrónico concentracionvilaboa@gmail.com

Contan co apoio do Concello de Vilaboa. “É moi interesante que nazan iniciativas como esta que nos van permitir pulsar a opinión da veciñanza ao respecto. Non cabe dúbida que unha concentración das parcelas, tanto agrarias como forestais, suporía unha mellor e máis óptima organización do territorio”, conclúe César Poza.

O SALINAS CLUB DE LECTURA PECHA UNHA APRETADA AXENDA DE ESCRITORES ATA NADAL

Tralo éxito da xornada inaugural, as persoas lectoras están citadas para o 21 de maio con “O mar que nos leva”, de Moncha Fuentes.

Vilaboa, 2 de maio 2024.

César Poza, alcalde de Vilaboa; Pilar Rodríguez de Dios, presidenta do “Salinas Club de Lectura”; Conchita Pérez Nuñez, directora del CRA de Vilaboa e a escritora Lola Fernández Pazos, autora de “El Pazo de Lourizán” e madriña do Club, inauguraron hai uns días a primeira sesión literaria do novo Club coa participación activa de máis dunha veintena de lectores.

O Club, que acollerá desde agora a autores e autoras galegas, en castelán e en galego, conta actualmente con 22 membros e unha axenda pechada de escritores galegos ata o vindeiro mes de decembro.

O próximo encontro terá lugar o día 21 de maio ás 20 horas na BiblioCRA de Vilaboa para analizar a obra “O mar que nos leva” da escritora Moncha Fuentes. As sesións  celebraranse unha vez ao mes tras ler o libro proposto.

 

Os estatutos do Salinas Club de Lectura recollen entre os seus obxectivos fomentar a lectura e escritura entre a poboación de Vilaboa e na sociedade galega en xeral, tanto no ámbito rural como no urbano; compartir afición pola lectura tanto de autores galegos como non galegos, en lingua galega e castelán e crear un circuito de autores e firmas que permitan presentalos e coñecelos en persoa, e á vez promocionar a súa obra.

César Poza, integrante do Club e asiduo lector, aposta firmemente pola consolidación desta iniciativa e convida á veciñanza de Vilaboa a participar nas xornadas de análise compartido sobre unha obra concreta. “A experiencia é moi positiva. A veces dar o primeiro paso costa un pouco pero resulta moi gratificante reunir aquí a un grupo de persoas unidas polo seu gusto pola lectura. O feito de que a autora do libro a analizar esté presente, con nós, crea unha atmósfera de cercanía que nos axuda moito a entender mellor cada páxina. Sen dúbida a primeira xornada superou con creces as nosas expectativas e iremos traballando para crear en Vilaboa un foro de reflexión e de ideas nun marco tan representativo da nosa localidade como son as Salinas de Vilaboa”.

 

Contacto ‘Salinas Club Lectura’

Pilar Rodríguez de Dios o Conchita Pérez Núñez CRA Plurilingüe Vilaboa

 

FIGUEIRIDO HOMENAXEA A JOSÉ PORTELA CANOSA NA SÚA II COMIDA DE CONFRATERNIDADE

César Poza destaca a labor social de “Pepe o Ferreiro”, un home con 99 anos cumpridos que exerceu de practicante na posguerra para salvar moitas vidas.

Vilaboa, 29 de abril 2024. A asociación de veciños San Andrés e a Comunicade de Montes de Figueirido celebrou hoxe domingo no campo da festa a II Comida de Confraternidade á que asistieron máis dun centenar de personas.

No transcurso desta xuntanza de confraternidade rendeuse homenaxe a José Portela Canosa, coñecido como “Pepe o Ferreiro”, por ser a persoa de máis idade do lugar, con 99 anos de idade.

O alcalde de Vilaboa, César Poza, foi o encargado de entregarlle un agasallo en sinal do agradecemento e cariño da veciñanza, confeccionado a partir dunha fotografía do homenaxeado xunto á locomotora que el deseñou para asar as castañas e que hoxe é tan habitual en tempos de magosto.

José Portela fíxose merecedor do cariño e respeto da veciñanza tanto polo seu traballo como ferreiro como pola súa capacidade innovadora ao comezar, hai xa unhas poucas décadas coa organización das traídas de auga; a maiores, nos tempos da posguerra, cando a sanidade era un servizo moi precario, José Portela suministrou no municipio moitas doses de penicilina, salvando moitas vidas.

César Poza misturou na súa intervención o recoñecemento colectivo a “Pepe o Ferreiro” cos seus propios recordos da infancia. “Coñezo a señor Pepe de toda a vida, somos veciños do Alcouce. Recordo ir de pequeno polo  eirado ao seu taller,  na busca de restos de ferros para facer todo tipo de armamento (daquela non había móviles pero si moita imaxinación). Ata faciamos estrelas ninja na cortadora de chapa, e sempre podíamos contar con el para soldar calquera aventura que se nos ocurrira”.

Pepe comenzou a súa andaina profesional no ferreiro do Pino ata que montou o seu taller no barrio do Alcouce, empezou facendo visfras pero pronto demostrou que é unha persoa moi viva e activa, un mestre no seu traballo; destacaba pola súa habilidade para reparar arados e todo tipo de ferramentas. “A súa intelixencia e coñecemento do oficio permitíronlle ir investigando e empezou a fabricar sachadoras, sementadoras e tamén malladoras”, recordou o alcalde.

Outra faceta destacable é a súa labor social e veciñal; “fixo de practicante, é dicir, poñía inxeccións nun tempo onde a sanidade non era o que é hoxe, axudaba nas matanzas, nos partos das vacas…”, recordou César Poza.

Insistiu en que foi pioneiro nas traídas de augas, pois a primeira comunidade de usuarios de auga de Figueirido foi promovida por el alá polos anos 60, no Alcouce e tamén foi o primeiro en facer as contratas do ganado; sen dúbida moi necesarias nunha época na que ter unha vaca era un capital e con estas contratas permitíase poder telas aseguradas dalgún xeito”.

Por último César Poza compartiu con todas as persoas asistentes o orgullo de saber que as locomotoras tan utilizadas hoxe como fornos portátiles para asar as castañas foron deseñadas no Alcouce.

NOVE CASETAS ACOLLERÁN A VARIEDADE VINÍCOLA LOCAL NA FESTA DO VIÑO DE VILABOA

A degustación de caldos de adegueiros e colleiteiros complétase cunha variada oferta gastronómica á que o domingo 12 de maio se sumará a ostra de Arcade.

Vilaboa, 26 de abril 2024. – Dúas adegas da IXP Ribeiras do Morrazo e sete colleiteiros converteranse durante os días 11 e 12 de maio no escarapate da variedade e calidade dos caldos elaborados en Vilaboa no marco da XI edición da Festa do Viño. Durante estas dúas xornadas as persoas que se acheguen ata Riomaior poderán degustar as diferentes variedades colleitadas e elaboradas na contorna de Vilaboa a prezos populares.

A Festa contará tamén cun apartado técnico, coa celebración dunha cata diferenciada para adegueiros e colleiteiros na que se valorará a calidade dos viños participantes.

A promoción dos caldos locais está acompañada nesta edición con catro stands máis que facilitarán aos visitantes a opción de xantar o cear na carpa ou no seu exterior, no parque de Riomaior. Para facelo posible ofertarase churrasco e polbo durante os dous días, así como un stand doce e cafés e refrescos a cargo do bar O Toxo. Na xornada do domingo a Festa do Viño convida a un ostreiro de Arcade que amosará en directo a súa técnica para a apertura das ostras e máis ofrecerá a posibilidade de degustalas a prezos populares.

A música ten un apartado especial no programa coa actuación de Treixadura o sábado 11 de maio a partir das 22 horas e cun concerto da Banda da Escola de Música de Vilaboa o domingo ás 12.30 horas, xornada na que tamén haberá inclabes e actividades para os máis pequenos.

Nesta XI edición a Festa do Viño recupera a figura do pregoeiro, solapada o ano pasado polo recoñecemento aos alcaldes fundadores e impulsores deste evento, que recaerá no xornalista deportivo residente en A Cardiña, Oswaldo García.

Tanto César Poza, alcalde de Vilaboa, como Carmen Gallego, concelleira de Dinamización Económica, animan á veciñanza a asistir à Festa, a degustar os viños locais e máis a gozar dunha xornada diferente nun entorno natural singular “poñendo em valor a calidade dos nosos caldos e da nosa gastronomía”.

A AGRUPACIÓN DE PROTECCIÓN CIVIL COMEZA UNHA NOVA ANDAINA DA MAN DO CONCELLO DE VILABOA

César Poza habilita partida no orzamento para o grupo de voluntarios, adapta un vello almacén como sede e confire á asociación carácter municipal.

Vilaboa, 25 de abril 2024. – A recente celebración da Festa do Mar foi o punto de arranque da nova Agrupación de Voluntarios de Protección do Concello de Vilaboa, administración da que dependen e coa que traballarán coordinadamente na organización de eventos, na atención das emerxencias locais e das incidencias que así o requiran.

Un total de 18 persoas voluntarias, das que o 40% son mulleres, participan nesta nova etapa da Agrupación, que inicia unha andaina propia da man do Concello de Vilaboa trala disolución hai uns meses da antiga agrupación de Soutomaior, na que estaba integrada a través dun convenio de colaboración mutua.

“O alcalde, César Poza, reuniunos e díxonos que Vilaboa tiña que ter a súa propia agrupación e a partir de aí comezamos a traballar”, explica Carlos Bas, presidente da nova agrupación que conta cunha xunta directiva integrada tamén por José Ramón Portela Rial, como vicepresidente; Alba Rodríguez, como secretaria; Ana Carro como tesorera e Ismael Portela e Rubén Acuña como vocais.

O Concello comezou a adaptar un antigo almacén no Toural (que xa fora sede da agrupación) para convertelo na sede da Agrupación e eles recuperaron o material municipal do Concello que utilizaban en Soutomaior; e con eses mimbres “empezamos a traballar; aquí non hai salarios pero hai moita ilusión e ganas de aportar”, explica Carlos Bas, quen recorda que unha parte das persoas voluntarias traballan no sector sanitario e das emerxencias o que lles permite esta colaboración social de xeito altruista.

O inicio da súa actividade coincide co despertar das velutinas e iso tenos atendendo chamadas diariamente. “Veciños pero tamén o 112 e a empresa que teñen eles designada para xestionar os niños requiren da nosa colaboración neste tema. Estes días estamos a tope”. A axenda da Agrupación está repleta xa que ademáis das incidencias cotidianas, teñen prevista a colaboración con concellos limítrofes como o de Cerdedo-Cotobade, o de Arbo ou o de Ponteareas, para colaborar na organización das súas festas.

“Estamos satisfeitos de que o Concello entendese a necesidade de ter unha agrupación de Protección Civil propia e habilitase partida no orzamento para cubrir os gastos de material. Sabemos que a nosa presenza en Vilaboa supón un plus de seguridade para a veciñanza”, conclúe Carlos Bas.

CÉSAR POZA DESTACA A CONSOLIDACIÓN DA FESTA DO MAR E AGRADECE A RESPOSTA DOS COMENSAIS

Na entrega dos diplomas aos premiados no Concurso de Catas, o alcalde valorou tamén a participación dos artesáns de Vilaboa.

Vilaboa, 14 de abril 2024. O alcalde de Vilaboa, César Poza, aproveitou o momento da entrega de diplomas aos establecementos gañadores do Concurso de Catas da Festa do Mar de Vilaboa para agradecer a implicación do conxunto da cidadanía cun evento xa consolidado e que busca poñer en valor tanto o produto da ría como o traballo da Confraría, de mariscadoras, mariñeiros e bateeiras. Representantes destes sectores formaron o xurado que determinou os premios nesta edición e fixeron entrega dos diplomas a cada entidade gañadora.

Tanto César Poza como Carmen Gallego, concelleira de Dinamización Económica, destacaron que o excelente respaldo do público a esta festa, nunha edición na que se duplicou a capacidade da carpa e os restaurantes participantes triplicaron a cantidade de produto solicitado á Confraría en previsión dunha afluencia superior á da pasada edición. “A falta das cifras finais que nos permitan facer balance con cifras, sabemos que a xente se vai moi satisfeita e ata sorprendida tanto polo sabor dalgunhas tapas como polo resultado da mestura de sabores”, apunta Carmen Gallego, convencida de que esta Festa é “moi necesaria; o sector necesitábaa e demandabaa e agora comprobamos que a cidadanía tamén”.

César Poza agradeceu tamén o compromiso tanto con esta Festa como con outros eventos organizados polo Concello de Vilaboa dos artesáns locais, representados na carpa por Cachiboreta, o obradoiro orfebre Hedra de Pilar Blanco e Errre3, con artigos de impresión dixital. “Deixades moi alto o pavillón local e demostrades cada día o potencial creativo de Vilaboa”, engadiu.

A patrona maior da Confraría de Vilaboa Maricarmen Cortegoso Gómez, Mari González Piñeiro e María José Castro Gómez foron as encargadas de entregar os diplomas na categoría de Mellor Sabor ás tapas do restaurante A Garboa;  á Mellor Presentación á  tapa de mexilóns en escabeche de A casa de Rosa de Mazaroca e o premio á Innnovación á panadería e pastelería Os Laranxos pola súa empanada  de mexilóns con chourizo.

A actuación de Os Bregadiers puxo a nota musical á xornada.

 

O XURADO PREMIA O SABOR DE A GARBOA, A INNOVACIÓN DE O LARANXO E E PRESENTACIÓN DA MAZAROCA

A Festa do Mar de Vilaboa renova esta noite e mañán o turno de degustación do produto local complementado cun amplio programa musical.

Vilaboa, 13 de abril 2024. O xurado, composto pola patrona maior da Confraría de Vilaboa Maricarmen Cortegoso Gómez e polas bateeiras locais Mari González Piñeiro e María José Castro Gómez, coa participación do alcalde César Poza como secretario, escolleu este mediodía as tapas gañadoras da cata organizada na carpa da Festa do Marisco de Vilaboa.

Na categoría de Mellor Sabor resultaron gañadoras as das tapa do restaurante A Garboa;  o premio á Mellor Presentación recaeu na tapa de mexilóns en escabeche presentado por A casa de Rosa da Mazaroca mentras que o premio á Innnovación foi para a panadería e pastelería Os Laranxos pola súa empanada  de mexilóns en escabeche. 

Os stands degustación volverán a abrir esta noite e mañán domingo ao mediodía con  tapas a prezos populares: de mexillón a 3,5 euros; os chocos a 5 euros e a 6 euros está a ameixa. Todos eles preparados en distintas elaboracións: en empanada, en escabeche, guisados ou á mariñeira. Destaca este ano a variedade de sobremesas que ofrece o stand dulce para completar o menú a cargo de Os Laranxos. E xunto aos produtos do mar están os viños da IXP Ribeiras do Morrazo das adegas Os Areeiros e Ardán.

O programa musical, aberto pola banda de gaitas e baile “Aires de Cobres” continuará hoxe às 21 horas con Fanfarria Taquekardia e mañán coa actuación de Os Bregadiers ás 13 horas.

Tanto o alcalde de Vilaboa, César Poza, como a concelleira de Dinamización, Carmen Gallego, convidan á veciñanza da contorna a achegarse  a San Adrián e gozar tanto da variedade de produto extraído das augas da ría como da calidade na elaboración que ofertan os restaurantes locais, a quenes o goberno local agradece a súa implicación con esta Festa que ten como obxetivo “a posta en valor dun sector, o do mar, cun peso importante en Vilaboa e que ten que enfrentar moitas dificultades”.

OS RESTAURANTES DA FESTA DO MAR TRIPLICAN A PETICIÓN DE PRODUCTO PARA ATENDER A PREVISIÓN DE DEMANDA

Os tres locais conxugarán tradición e innovación para sorprender aos comensais que se acheguen os días 13 e 14 de abril ao adro de San Adrián.

Vilaboa, 8 de abril 2024.

O Concello  ultima xa o programa da Festa do Mar de Vilaboa  que se instalará de novo no adro de San Adrián de Cobres para amosar a fortaleza do sector local a través dun evento gastronómico que terá lugar esta fin de semana, os días 13 e 14 de abril para garantir a máxima calidade do mexillón, da ameixa e do choco. 

Serán tres os restaurantes locais encargados das degustacións, elaboradas a partir do produto recollido para este evento pola Confraría de Vilaboa. A Garboa, A casa de Rosa de Mazaroca e Aurelia poranse aos fogóns para preparar as tapas de mexillón a 3,5 euros; os chocos a 5 euros e a 6 euros estará a ameixa, tanto a xapónica como a cornicha. Todos eles preparados en distintas elaboracións: en empanada, en escabeche, guisados ou á mariñeira. Este ano, como novidade, haberá stand  cafetería da man do bar Chancho e repetirá tamén o posto doce para completar o menú con panadería pastelería Os Laranxos.

Os tres restaurantes triplicaron a petición de produto á Confraría con respecto á edición do ano pasado, na que a afluencia de comensais esgotou as racións elaboradas   impedindo atender a alta demanda concentrada na carpa. Os equipos de cociña de cada un dos locais de restauración ofertarán por tanto pratos tradicionais con innovacións culinarias capaces de sorprender.

E xunto aos produtos do mar compartirán protagonismo e promoción os viños da IXP Ribeiras do Morrazo das adegas Os Areeiros e Ardán. 

A comisión organizadora, na que ademáis do Concello están as mariscadoras, mariñeiros e bateeiras, será a que realice a cata das elaboracións dos restaurantes participantes, con premios para a Innovación, o Sabor e a Presentación; prantexando para este ano o novo reto de sorprender ao público en xeral conxugando elaboracións tradicionais con pratos máis atrevidos.

 

O ORZAMENTO PARA 2024 RECOLLE 805.000 EUROS PARA O LIXO, A LIMPEZA DO SANEAMENTO E ACUAES

Unha modificación de crédito permite ao goberno local elevar a 1.114..841 euros as partidas dispoñibles para investimentos.

Vilaboa, 26 marzo 2024. A Corporación Municipal de Vilaboa aprobou onte cos votos favorables do goberno local un orzamento histórico para Vilaboa que alcanza os 4.226.076 euros e que recolle importantes partidas tanto para o contrato do lixo (530.000 euros) como para a limpeza e mantemento da rede de saneamento (220.000 euros) e unha aportación a ACUAES para extender a rede pública de auga desde Pontevedra ata Vilaboa. O orzamento contempla partida tamén para o estudio da mellora da eficiencia enerxética e do alumeado.

O remate da concesión coa actual empresa que presta o servizo de recollida de lixo levou ao goberno local a preparar xa o prego de condicións para sacar a concurso esta prestación que debido á inflacción da economía actual eleva o prezo das distintas unidades que deben atender as empresas que opten ao concurso.

O incremento reflexado por tanto no orzamento de 2024 polo pago do IBI de Autoestradas do Atlántico, que este aportará ás arcas municipais 413.000 euros máis, vese compensado polo gasto extraordinario que o Concello terá que asumir coa renovación do contrato do lixo.

Outra partida importante recollida no documento económico é a que corresponde ao servizo de limpeza da rede de saneamento e que ascende a 220.000 euros, xa que un correcto mantemento das tuberías contribúe a unha maior eficiencia deste servizo e, sobre todo, a evitar desbordamentos e filtracións.

A dotación dunha extensa rede de abastecemento de auga a todo o municipio é un dos retos que se prantexa o goberno local e que depende, en grande medida, da posta en marcha do ente supramunicipal liderado por ACUAES e que permitirá achegar ata Vilaboa a captación do río Lérez. Para participar neste proxecto o orzamento de Vilaboa recolle unha partida de 55.000 euros.

A modificación puntual do PXOM conta tamén cunha partida específica de 15.000 euros que facilitarán a súa tramitación para correxir erros puntuais detectados en diferentes aspectos do planeamento.

O orzamento recolle unha partida de 278.000 euros para diferentes investimentos no municipio, que se ve complementada cunha dotación de 836.841 euros provínte da modificación de crédito (remanentes de partidas do pasado exercicio) aprobada tamén na sesión plenaria de onte e que elevan a 1.14.841 euros a cantidade prevista para investimentos en obras, infraestruturas e mellora de servizos durante este ano 2024.

A FESTA DO MAR DE VILABOA INCORPORA UNHA CATA CON PREMIO AO SABOR, A INNOVACIÓN E A PRESENTACIÓN

Tres restaurantes locais prepararán as racións a base de mexillón, choco e ameixas xapónica e cornicha mantendo os prezos do ano pasado.

Vilaboa, 22 marzo 2024. O alcalde de Vilaboa, César Poza, e a concelleira de Dinamización, Carmen Gallego, presentaron o programa da Festa do Mar de Vilaboa, que este ano se consolida na súa terceira edición.

A promoción gastronómica irá ligada a un potente programa musical e mesmo actividades infantís xa que se trata dun evento para gozar en familia  coa Banda de Gaitas e Baile Aires de Cobres, Fanfarria Taquekardia e os Bregadiers.

De xeito consensuado coas mariscadoras e bateeiras, a Festa do Mar de Vilaboa celebrarase este ano os días 13 e 14 de abril, datas nas que “a ameixa e o mexillón están no mellor momento para o consumo”, explicou Carmen Gallego, que agradeceu tamén a colaboración dos restaurantes (A Casa de Rosa de Mazaroca, Casa Aurelia, A Garboa e Panadería Pastelería Os Laranxos),na elaboración das tapas que se servirán, e que manteñen os mesmos prezos do ano pasado (6 euros para a ameixa, 5 para o choco e 3,5 o mexillón). No recinto da carpa, instalada á beira do porto, estará tamén bar Chancho, completando a oferta gastronómica.

Producirase unha maridaxe dos produtos do mar cos viños da IXP Ribeiras do Morrazo, que estarán representados polas adegas Os Areeiros e Ardán. 

Entre os produtos a degustar a cornicha é a principal novidade deste ano e prestarase a novidosas presentacións. As datas elexidas este ano para a celebración da Festa do Mar coinciden precisamente coas mareas vivas, que favorecen o traballo de mariñeiros e mariscadoras.

A Festa contará tamén cunha cata na que o xurado estará integrado por bateeiras e mariscadoras que outorgarán tres premios ao sabor, a innovación e a presentación. 

Tanto César Poza como Carmen Gallego apostan por esta Festa como un evento para poñer en valor todo o que o mar de Vilaboa pode aportar á gastronomía galega e convidan á veciñanza da contorna a achegarse a gozar do programa das dúas xornadas festivas.

VILABOA ELABORA UN ORZAMENTO HISTÓRICO LASTRADO POLO GASTO DE SERVIZOS IMPROPIOS

César Poza reclama á Xunta que asuma servizos da súa competencia como o SAF ou o Centro de Saúde “con gastos que condicionan os investimentos locais.

Vilaboa, 21 marzo 2024.O goberno local de Vilaboa presentará ao pleno do luns un orzamento histórico que cun montante de 4.226.076 euros contribúe á protección social, a dinamización económica e mellora na prestación dos servizos. Destaca o incremento das partidas en persoal, investimentos, subvencións e gastos correntes grazas ao aumento das previsións de ingresos derivadas, en gran parte, do incremento en 413.000 euros do IBI que este ano aboará Audasa, tras 25 anos de bonificacións.

 

Sen embargo o goberno local alerta do lastre económico que supoñen para as arcas municipais servizos asumidos polo Concello que resultan altamente gravosos e deficitarios e que son competencia da Xunta de Galicia, coma o servizo de axuda no fogar, os custos de mantemento do Centro de Saúde ou do colexio do Toural, que ten ensino secundario.

No caso do SAF, o alcalde, César Poza, recorda que en municipios de menos de 20.000 habitantes é responsabilidade da administración autonómica a prestación deste servizo. En Vilaboa o seu custo por hora é de 20,53 € (IVE incluído) e a aportación da Xunta de Galicia é de 12 €, debendo asumir o restante o Concello e as persoas usuarias. “Tal situación xera que cada ano o Concello aporte máis recursos propios para facer fronte a estes custos. Ademais no pasado exercicio de 2022 a empresa que viña prestando o servizo rematou o seu contrato, co cal na negociación da nova prestación do servizo teremos que soportar aínda máis carga dado que o incremento de custos provocados pola conxuntura económica vaise trasladar ao prezo deste servizo, polo que o crédito da súa aplicación orzamentaria chega aos 377.000 euros”.

No capítulo de prestacións sociais cabe destacar tamén a inclusión de actividades para o envellecemento activo (5.000,00 €) e a partida para atender o cumprimento dos Plans de Igualdade de cidadanía e do propio Concello e o protocolo contra o acoso e para manter o servizo de transporte para as vítimas de violencia de xénero, apartados que contan cun importe total de 12.300 euros. Outro dos gastos deste capítulo é o pago a SOGAMA polo lixo xerado, aínda que a compostaxe en Vilaboa reduce cada ano a factura que para 2024 está prevista en 140.000 euros.

O orzamento recolle tamén un incremento de 128.200 euros para cubrir as retribucións do persoal recollidas na Lei 31/2022, de 23 de decembro, de Orzamentos Xerais do Estado para o ano 2023, prorrogada no exercicio 2024 e os créditos correspondentes á aportación municipal para a contratación de persoal no marco dos programas de Cooperación da Deputación de Pontevedra e Aprol Rural.

 

No apartado de investimentos destaca a restauración do Muiño do Toxal, avance nos parques do Canaval en Figueirido e no de Riomaior, o mirador no Monte do Cabalo e a continuidade da rede de saneamento, entre outras moitas actuacións.

 

A REFORMA DO CENTRO SOCIAL DO PICHO AVANZA XA NA REESTRUTURACIÓN DOS ESPAZOS INTERIORES

As actuacións nas deterioradas instalacións municipais rematarán coas barreiras arquitectónicas ao estar pensadas para o día a día de persoas maiores.

Vilaboa, 12 marzo 2024.As obras de rehabilitación do centro social e de maiores de O Picho avanzan a un ritmo que permite confiar en que a empresa adxudicataria entregue a obra antes do comezo do verán cun importante axuste aos tempos previstos no contrato. Tralo vaciado interior das divisións, tanto na edificación principal como na anexa a empresa procedeu xa á adecuación do espazo no que se instalará o ascensor, a prantexar a escaleira interior que unirá as dúas plantas do edificio e á instalación da carpintería metálica que sustentará as novas divisións do espazo.

A memoria descriptiva deste ambicioso proxecto para Vilaboa contempla unha actuación de acondicionamento combinada cunha reforma estrutural sustancial que pasa polo rediseño dunha das fachadas para abrir os ventanais ata o chan, garantindo a accesibilidade universal e a eliminación de barreiras arquitectónicas.  Está previsto tamén o acondicionamento de espazos exteriores como xardíns e zona de esparcemento ao aire libre. 

Trátase dun edificio de dúas plantas situado nunha parcela de titularidade municipal cunha superficie de 863 metros cadrados cunha edificación auxiliar; todo elo en desuso despois de ter acollido a antiga escola unitaria e máis as oficinas da escola obradoiro.

A execución desta reforma é o resultado de varios anos de traballo previo, nos que o goberno de César Poza ideou a transformación deste espazo para convertilo nun centro de atención e actividades para persoas maiores, un servizo demandado pola cidadanía e esencial en Vilaboa tendo en conta o índice de envellecemento da poboación no municipio. “O remate da obra non suporá o comezo da entrada en funcionamento destas instalacións pero si un avance importantísimo na dotación dunha infraestrutura que é básica en Vilaboa e pola que somos conscientes que están esperando moitas familias, que precisan alternativas para os coidados das súas persoas maiores”.

César Poza, que supervisou co responsable de obra o avance dos traballos, recoñece que a posta en marcha do centro de atención aos maiores no Picho será unha das prioridades do goberno municipal.

O CONCELLO REIVINDICA MÁIS ATENCIÓN PARA AS MULLERES DO RURAL NA ENTREGA DO PREMIO 8M

María Otero, Susa, recibe o galardón como recoñecemento a unha vida adicada ao traballo moitas veces “pechado tralos muros dunha finca”.

Vilaboa, 15 marzo 2024.

María Otero Otero, Susa, amosouse sorprendida cando hai uns meses o Concello de Vilaboa lle comunicaba que era a elexida para recibir o Premio 8M na súa segunda edición, un galardón co que o goberno local recoñece a labor anónima de tantas mulleres rurais.

Considera, e así o compartiu con todas as persoas asistentes á entrega, que “non fixo nada de especial para merecer este premio”, salvo traballar, dentro e fóra da casa, cultivar o seu agro e formar unha familia con tres netos que hoxe a acompañaron nun acto cargado de emoción ao recibir a estatuilla da colección “Muller das Salinas” creada por Irene Silva Xiráldez para este Premio.

E é precisamente esa “normalidade” a que tanto o alcalde, César Poza, como a concelleira de Igualdade, Carmen Gallego, quixeron visibilizar, reivindicando ambos máis atención por parte das administracións para as mulleres do rural.

“Queremos poñer o foco da atención pública precisamente en todas elas a través de Susa, para que os veciños e veciñas de Vilaboa poidamos reclamar atención para as mulleres do rural, atención para as mulleres coidadoras, que sacrificaron a súa vida polos demais, para que sexamos capaces de construír entre todos e todas unha sociedade de coidados públicos”, apuntou César Poza, quen insistiu en que “estamos hoxe aquí, para homenaxear este ano a Susa, unha muller traballadora, a pesares de que unha parte importante da súa vida está dedicada a un traballo non remunerado e non recoñecido, unha muller como tantas outras de Vilaboa e de outros entornos rurais de Galicia, que non foron durante moito tempo obxecto de atención por parte dos poderes públicos, cuxo traballo e sacrificio quedou pechado nos muros das súas fincas, nas paredes das súas casas”.

Carmen Gallego pola súa parte remontouse ao século pasado para recordar que reivindicar unha sociedade que aporte aos seus individuos os coidados e servizos que, en razón das súas características precisen. “Daquelas reivindicacións laborais materializadas no sindicalismo obreiro, pasouse a reivindicacións feministas para “a socialización do traballo doméstico, da educación pública e dos servizos sociais”, sinalou.

Máis alá da vistosidade da celebración do 8M, para Carmen Gallego é preciso liberar ás mulleres do traballo no fogar sen compensacións. “Non se pode asumir mansamente a inevitabilidade da organización familiar milenaria, con remendos do tipo “agora os homes axudan na casa”. Defendeu tamén que debe ser a sociedade a que debe garantir os dereitos coas inversións en servizos e institucións sociais e non deixar á responsabilidade privada (de familias e empresas) protexer a maternidade e o traballo das mulleres.

“A esta reivindicación, dada a figura da homenaxeada hoxe, queremos dedicar este 8 de Marzo dende o Concello de Vilaboa. Susa é un vivo exemplo do que acabamos de describir e con esa xeración ten que acabarse a descarga nas costas das mulleres da responsabilidade de construír unha sociedade máis xusta e mais igualitaria, obriga das institucións”, concluíu.

O acto contou tamén cun apartado musical da man da Aula de Piano da Escola de Música de Vilaboa dirixido pola profesora Michelle Pena González coa interpretación de catro pezas no programa “En clave feminina”.

VILABOA HOMENAXEA ESTE SÁBADO 9 A MADAMAS E GALÁNS COA CELEBRACIÓN DA MORADA

Máis de 220 personas inscribironse xa para participar nunha xornada de reconñecemento a quenes levaron a ilusión do Entroido de Cobres barrio a barrio.

Vilaboa, 6 marzo 2024.  Madamas e Galáns, bailaríns e músicos serían incapaces de calcular as horas de ensaio que destinan ao logo do ano a prepararse para que o Entroido de Cobres se manteña fiel a unha tradición que arrancou hai máis de catro décadas. Algúns dos integrantes desta voluminosa comitiva acumulan anos de experiencia que, sen embargo, non evitan que as catro xornadas de Entroido que os manteñen literalmente en pé durante máis de 8 horas diarias os sitúen ao borde do agotamento físico.

Na asociación cultural Cobres coñecen en profundidade esa faceta de entrega e implicación, de renuncia e de sacrificio, e tamén de responsabilidade que supón asumir o rol de madama ou de galán e que, entre outros moitos sacrificios implica vivir o entroido como protagonista.

Por eso cada ano a asociación cultural Cobres organiza a Morada, unha cita para a familia do Entroido; unha festa pensada para compensar a madamas, galáns e músicos que durante toda a xornada reciben o agarimo de toda a cidadanía a través dunha comida de confraternidade.

Este sábado día 9 a Morada desenvolverase cumprindo coa tradición. Unha carpa instalada en Riomaior dará cobixo ás 220 persoas inscritas ata o momento para degustar un catering preparado para agasallar con sabores e arrecendos en compensación polas horas de baile, os kilómetros trasladando a ilusión de barrio en barrio e a renuncia a outro Entroido que non sexa o de Cobres.

Este formato actual baixo carpa e con catering toma o relevo a unha tradición que desde hai séculos reunía pasado o entroido a madamas, galáns e músicos. Lidia Peleteiro, directiva da asociación cultural Cobres, lembra que a Morada “facíase orixinalmente cos alimentos que as familias entregaban ao Entroido cando ían pedir”. Asegura que incluso  “había quen cedía unha vaca para facer estas comidas”. Daquela só asistían ao xantar quenes ían bailar ou tocar. Co paso dos anos a organización optou por contratar un cociñeiro que se encargara dos fogóns mentras que as familias de galáns e madamas facían as veces de auxiliares para que os protagonistas do Entroido gozaran do día. “Agora a Morada está aberta ás familias e á veciñanza que dalgún xeito colabora na conservación desta festa que é unha sinal de identidade para Vilaboa e especialmente para Cobres; a laboriosa elaboración dos gorros, a indumentaria de cada madama e de cada galán, os complementos pero tamén os traslados e os gastos que supón manter a actividade que desenvolvemos todo o ano sería impensable sen a implicación e as renuncias das familias das madamas e galáns”.

 

O CONCELLO DISTINGUE A MARIA OTERO OTERO NA SEGUNDA EDICIÓN DO PREMIO 8M

A entrega terá lugar o día 15 na Casa de Cultura de Riomaior nun acto que contará coa actuación da Aula de Piano da Escola de Música de Vilaboa.

Vilaboa, 11 marzo 2024. A Casa de Cultura de Riomaior acolle este venres día 15, ás 20 horas, a entrega do Premio 8M que nesta segunda edición distinguirá a traxectoria de  María Otero Otero (Susa), coa que a Concellalía de Igualdade quere homenaxear a todas as mulleres anónimas que co seu quefacer diario e desde o anonimato facilitaron a incorporación da poboación feminina no rural ao mercado laboral.

Desde a estabilidade que lle garante a súa situación de xubilada, María Otero compartirá coas persoas asistentes ao acto deste venres a súa vida laboral en Pontesa, donde formou parte durante décadas dunha plantilla esencialmente feminina na cadea de producción. Desenvolvía a súa xornada na liña de fundido das unidades de porcelada coas que facían a vaixela, nas que a pasta era introducida en moldes especiais para cada peza. Máis tarde pasaría á liza de retoque, encargada de perfeccionar cada artigo antes da súa saída ao mercado.

Apenas cumprira 14 anos cando a situación económica na súa casa a forzou a ir traballar. “Son filla de solteira, algo que nunca me supuxo trauma ningún. Eu tiña na casa a miña nai e a miña avoa que me daban todo o que precisaba”, explica. Sen embargo ambas traballaban as terras e o campo e “faltaban cartos, efectivos, así que eu funme primeiro á fábrica do peixe e un pouco máis tarde a Pontesa”.

Con todo, recoñece que o traballo no agro “tírame, gústame”, e presume do ben que conduce o tractor polos camiños de Bértola, unha afición que comparte coa súa familia e cos seus tres nenos. E por suposto anima ás mulleres a poñerse ao volante de calquer vehículo “tanto para o traballo no campo como para o transporte de mercancías; gústame velas conducindo camións”. Para María Otero non hai profesións ou tarefas que lle estén reservadas aos homes. “Nós podemos facer o que queiramos, pero o máis bonito é que nos guste o que estamos a facer”.

Recoñece que agora xa traballa o campo máis por devoción que por necesidade. “Pasoo ben en contacto coa terra”. E sen deixar de sorrir, asegura que gozar dos seus netos é o que máis lle gusta da súa actual etapa da vida. “Traballo na casa e máis na terra, pero non paro de facer cousas e gústame levar os rapaces comigo”. Non oculta que a súa traxectoria laboral foi dura pero síntese moi satisfeita do resultado e sobre todo da familia que formou xunto ao seu home, co que leva xa compartidos 44 anos e de quen di que “sempre me apoio en todo”.

 

María Otero recibirá o seu premio de mans do alcalde de Vilaboa, César Poza, e da concelleira de Igualdade, Carmen Gallego, nun acto que contará tamén cunha actuación musical a cargo da Aula de Piano da Escola de Música de Vilaboa, dirixida pola profesoral Michelle Pena González.

 

Recibirá unha escultura da colección “Muller das Salinas”, que representa unha figura feminina erguida cunha pá para achandar o sal na man, en referencia ao traballo que facían as mulleres nas Salinas de Vilaboa. A súa autora é Irene Silva Xiráldez que creou esta figura exclusivamente para o Premio 8M.

 

O CONCELLO DE VILABOA RENOVA ESTE 8M O SEU COMPROMISO COA LOITA POLA IGUALDADE

A iluminación do Consistorio en lila, un Manifesto institucional e a segunda edición do Premio 8M son algunhas das actuacións do goberno local.

Vilaboa, 5 marzo 2024.O Concello de Vilaboa súmase á conmemoración do 8M, Día Internacional das Mulleres, asumindo tanto o lema escollido este ano polas Nacións Unidas: “Investir nas mulleres: acelerar o progreso” como a conclusión de que “a igualdade de xénero é o maior desafío actual en materia de dereitos humanos”.

O Concello de Vilaboa aportará o seu gran de area a esta loita por conseguir unha sociedade mellor e máis democrática “convertendo reivindicacións en realidades a través da acción política”. Así o recolle no Manifesto institucional que o goberno local distribuirá por todas as parroquias e ao que lle dará difusión a través da web municipal e das súas redes sociais.

Ademais, o goberno local anima á veciñanza a participar activamente nas manifestacións que se convocarán con motivo do 8M. Unha pancarta pendurada do balcón do Concello e a iluminación do Consistorio coa cor violeta feminista serán tamén dous símbolos cos que o goberno local quere visibilizar o seu compromiso coa loita pola igualdade.

Neste 8M o Concello de Vilaboa insiste en que o reto máis importante do século XXI é acabar coa desigualdade entre mulleres e homes e o seu máis salvaxe expoñente, a violencia machista.  “É imprescindible renovar o gran logro social e político que supuxo o Pacto de Estado contra a violencia de xénero e xuntar esforzos e recursos para previr esta violencia e atender as sobreviventes”.

O goberno municipal traballa cada ano para achegar ás mulleres do concello actividades que lles permitan tomar conciencia da súa situación, reivindicarse, desterrar o machismo das súas vidas e coidarse. A primeira delas é reivindicar o 8 de Marzo cun premio que sinala cada ano a unha muller vilaboense. O acto de entrega deste galardón, que este ano afronta a súa segunda edición, terá lugar o vindeiro 15 de marzo na Casa de Cultura. O Concello deseña tamén actividades formativas, lúdicas e de conciliación da vida laboral e persoal, que permitan ás mulleres, parroquia a parroquia xuntarse, falar e unir forzas polos avances acadados e contra a regresión.

 

 

UN INVESTIMENTO DE 223.000 EUROS PERMITE AO CONCELLO COMPLETAR O SANEAMENTO DE ACUÑA

Completa a extensión da rede municipal cunha actuación na Cardiña valorada en 149.000 euros .

Vilaboa, 4 marzo 2024.

Un investimento de 223.000 euros permite ao
Concello de Vilaboa completar a rede de saneamento no lugar de Acuña, en Santa Cristina. A obra, que comezou xa a semana pasada, foi adxudicada á empresa Oresa Construccións e Servizos Globais que ten un prazo de tres meses e medio para completar os traballos.

A obra ten certa complexidade técnica xa que ten que atravesar a N-554, ademáis dos cauces de tres regatos para adaptarse á orografía do terreo e esquivar e aproveitar, no posible, os desniveis naturais. A elección do trazado máis axeitado demorou o inicio dos traballos, que xa están en marcha e que permitirán ir completando a rede neste núcleo poboacional, no que 63 novas vivendas poderán conectarse á rede municipal de saneamento.

Esta actuación inclúe tamén o reasfaltado posterior das pistas polas que transcurre o trazado, con canalización de pluviais para garantir unha maior durabilidade do firme.

“Estes traballos, que asume o Concello de Vilaboa en solitario con fondos propios, forman parte dun plan moi ambicioso que consiste en ir tecendo una rede de saneamento e abastecemento de auga a todos os núcleos do municipio”, un reto complexo tendo en conta a dispersidade xeográfica do municipio.

“Extender esa rede o máximo posible é a prioridade do goberno local. Dependemos dela para avanzar no desenvolvemento urbanístico e industrial que Vilaboa necesita e para conseguilo precisamos a Xunta impulse o novo modelo de xestión da captación de auga do Lérez do que se abastecerá Vilaboa”, explica César Poza.

Saneamento na Cardiña

De xeito paralelo aos traballos en Acuña, a semana pasada comezou a dotación de saneamento na Cardiña cun investimento de 149.197 euros e que levará este servizo a unhas 50 persoas residentes neste lugar de Cobres. A actuación abrangue a pista principal e dous ramais, que unha vez conectados á rede principal serán reasfaltados con canalización de pluviais.  

O CONCELLO ABRE UN NOVO SERVIZO MUNICIPAL DE ASESORAMENTO DO IBI E DO PXOM

Estudará a incorporación de situacións individuais á modificación puntual do planeamento que o goberno local ten xa en marcha

Vilaboa, 28 de febreiro 2024.O Concello de Vilaboa pon en marcha un novo servizo de asesoramento á veciñanza centrado na situación das parcelas afectadas polo pago do IBI, en situación urbanizable non edificable e que recollerá datos para unha posible modificación puntual do PXOM neste sentido. Este servizo comenzará a funcionar todos os venres a partir do 15 de marzo, con cita previa solicitada presencialmente no Rexistro ou a través do número 986708215.

O goberno local implementa esta medida consciente da incidencia que pode ter nas persoas contribuintes o pago dos recibos do IBI nos vindeiros anos, xunto co derivado do procedemento simplificado de valoración colectiva levado a cabo pola Xerencia Territorial do Catastro de Pontevedra.

Este novo servizo busca implementar medidas realistas que garantan o crecemento de Vilaboa e resolvan os erros derivados da actualización do Catastro que variaron a clasificación de fincas rústicas como urbanizables. O goberno local abre así unha nova escoita activa coas persoas afectadas para estudar polo miudo cada caso.

O goberno local mantén que o único xeito legal de regularizar a situación é a través dunha modificación puntual do PXOM que xa está en marcha coa contratación  e anima á veciñanza a trasladar ao Concello “todos eses casos particulares que necesitan un estudo individual e que temos que correxir”.

MÁIS DE 3.000 PERSONAS RESPALDAN O RETO DO ENTROIDO DE COBRES DE SER "FIESTA DE INTERÉS TURÍSTICO NACIONAL ".

A masiva afluencia de público facilitou que se agotaran os artigos promocionais da festa deseñados coa recén creada imaxe de marca.

Vilaboa, 14 de febreiro 2024.

Máis de 3.000 persoas seguiron onte en Riomaior as diferentes actividades programadas polo Entroido de Cobres nos días fortes desta festa, nunha das edicións máis concurridas dos últimos anos e na que a forte afluencia de público agotou existencias nos postos de comida e mesmo facilitou á asociación cultural Cobres vender todos os artigos de merchandising creados para esta edición 2024. Camisetas, suadeiras, imáns, botellas, chapas e vasos reutilizables forman parte dos artigos promocionais deseñados coa nova imaxe de marca do Entroido de Cobres que onte rexistraron unha excelente aceptación por parte do público.

Os catro días do Entroido de Cobres deixan tras de si cifras que reflexan o intenso traballo desenvolvido pola asociación cultural Cobres e o Concello de Vilaboa para promocionar unha festa que aspira a converterse na primeira de entroido na provincia de Pontevedra coa catalogación de Fiesta de Interés Turístico Nacional.

Unha web propia, un QR que facilitou a localización da comitiva de madamas e galáns no seu percorrido polos barrios e uns perfís en redes sociais con información en tempo real das actividades diarias facilitaron que esta edición do Entroido de Cobres despertara o interese da veciñanza da contorna.

Máis de 50.000 contas alcanzadas nos perfís de Facebook e Instagram e 1.500 impresións en X (Twitter) son só unha mostra do seguimento que a cidadanía fixo da programación deste ano, na que tamén se ligou a oferta gastronómica e de aloxamento a estes catro días de festa; unha liña de traballo na que a concelleira de Promoción Económica, Carmen Gallego, quere seguir avanzando.

As cifras responden tamén a un traballo constante realizado pola asociación cultural Cobres e que conta co respaldo e implicación persoal das familias das máis de 70 madamas e galáns que conforman as parellas de baile, que nestes catro días recorreron a pé máis de 60 kilómetros retando ao mal tempo. Máis de 32 horas camiñando para cumprir o obxectivo de que as danzas de Cobres chegaran a cada barrio.

E antes de que comezaran os catro días de festa a organización non escatimou horas na elaboración de traxes, sombreiros, ensaios e moita promoción, xa que o Entroido de Cobres participa durante todo o ano en diferentes encontros programados para poñer en valor o noso patrimonio inmaterial. De feito, e tras un pequeno descanso, o Entroido de Cobres continuará cunha programación divulgativa que se extenderá durante todo o ano

O CONCELLO CONVIDA A CONXUGAR ENTROIDO E GASTRONOMÍA DA MAN DA HOSTALARÍA LOCAL

A carpa de Riomaior contará o martes con postos de polbo e bebidas mentras a restauración ofrece menús con lacón con grelos, bolo do pote e bandullo.

Vilaboa, 10 de febreiro 2024.

O Entroido de Cobres afronta a segunda xornada do seu calendario festivo co reto de despertar sorrisos no seu percorrido polos barrios, achegando as súas danzas e os seus ritmos ata o lugar máis recóndito de Vilaboa.

De novo, e igual que farán o lunes e martes, as parellas de baile comezarán a súa andaina ás 10 de mañán e non pararán (agás para comer) ata a súa chegada á carpa situada en Riomaior, sobre las 19 horas. As danzas previstas neste recinto cuberto e acondicionado para resguardarse do frío e da chuvia, darán paso á actuación do trío La Noche.

O Concello de Vilaboa convida á cidadanía de toda a contorna a achegarse a gozar do Entroido de Cobres e descubrir a gastronomía típica destas datas da man da hostalaría local.

Haberá postos de polbo e bebida na propia carpa na xornada do martes para quenes opten pola degustación deste productos típicos da cociña galega sen perderse o ambiente do entroido, mais o Concello pon en valor o bo facer dos numerosos restaurantes, taperías, bares e cafeterías do municipio que estes días inclúen nas súas cartas o típico cocido de entroido ou lacón con grelos e mesmo pratos tan típicos desta época do ano en Cobres como o Bolo do pote ou o bandullo, así como filloas e orellas.

A páxina web do Concello de Vilaboa (vilaboa.gal) recolle unha listaxe de establecementos co seu contacto para facer reserva previa de mesa nestes próximos días, xa que son varios os municipios galegos que programaron excursións a Vilaboa coincidindo con estes días de entroido.

A concelleira de Promoción Económica, Carmen Gallego, destaca tamén a variada oferta de aloxamento que ofrece Vilaboa para programar unha escapada coincidindo co entroido e descubrir paraxes naturais como o entorno das Salinas ou a Ruta dos Muíños de Riomaior.

MADAMAS E GALÁNS ACHEGARÁN DESDE MAÑÁN O ENTROIDO DE COBRES AOS BARRIOS DE VILABOA

Farán unha media de 15 kilómetros diarios camiñando unhas 8 horas para que ninguén quede sen gozar da festa máis singular da provincia de Pontevedra.

Vilaboa, 9de febreiro 2024.Madamas e Galáns teñen todo a punto para comezar mañán sábado a celebración do Entroido de Cobres e achegar a súa singularidade, o seu colorido e a ilusión por conseguir a declaración como Fiesta de Interés Turístico Nacional a cada recuncho do municipio.

 

Confiando nunha mellora nas condicións climáticas, Concello e Asociación Cultural manteñen a totalidade do programa que levará ás 70 personas que conforman as parellas de bailes e o acompañamento musical a comezar o seu percorrido polas parroquias desde as 10 horas ata as 19 horas. Un periodo de tempo no que o Entroido de Cobres fará paradas programadas en diferentes espazos públicos para escenificar os seus bailes nun achegamento da celebración ás persoas maiores de cada zona, e facilitarlle así o goce do evento sen desprazarse á carpa instalada en Riomaior, á que a partir das 19 horas chegarán os danzantes e continuará a festa ata que ás 22 horas toma o relevo a música, mañán sábado con trío Tic Tac, América de Vigo e Dj Charlie. O obxectivo é que ninguén quede sen gozar do entroido máis singular e emblemático da provincia de Pontevedra.

 

Un código QR, ao que se accede desde la web entroidodecobres.com, facilitará a localización en tempo real das madamas e galáns, favorecendo así que calquera se poida integrar na programación, facéndose partícipe de esa parte máis interna do festexo. O achegamento do espíritu do entroido aos barrios de Vilaboa, pensado para que ninguén quede sen gozar das danzas de Cobres, supón para Madamas e Galáns camiñar durante unha medida de 8 horas diarias os 4 días de festa, desde mañán sábado ata o martes de Entroido, día grande da programación. Camiñan diariamente unha media de 15 kilómetros, portando os galáns uns sombreiros que rondan os 3 kilos de peso e os das madamas 7 kilos; peso que manteñen durante as paradas para bailar.

 

Arredor de 35 parellas de baile comezarán mañán este achegamento do Entroido de Cobres aos barrios, todas elas con idades que van desde os 5 aos 40 anos. Xa na carpa, as súas actuacións veranse reforzadas polo grupo de veteranos, que nos últimos meses traballou no ensaio doutras danzas que complementen o programa. A asociación cultural Cobres, organizadora do Entroido coa colaboración do Concello, destaca o arraigo popular que este evento ten nestas dúas parroquias, nas que ser madama o galán é un honor, en ocasións herdado por tradición familiar e noutras adquirido para cumprir un soño non alcanzado por outras xeracións da familia.

ncha Pérez.

O ENTROIDO DE COBRES CREA DOUS QR PARA SEGUIR O PROGRAMA EN TEMPO REAL

Concello e Asociación Cultural convidan “ver e vivir” unha festa que encherá Vilaboa de tradición, de singularidade e de colorido do 10 ao 13 de febreiro.

Vilaboa, 17 xaneiro 2024

Arroupados polo alcalde de Vilaboa, César Poza e pola concelleira de Dinamización Económica, Carmen Gallego, membros da Asociación Cultural Cobres presentaron no Concello o programa do Entroido para este ano, unha edición que porá en valor os valores máis emblemáticos deste festexo singular e único en Galicia botando man das novas tecnoloxías. O cartel, coa nova imaxe e cores aprobada para esta nova andaina do Entroido de Cobres na que aspira a conseguir a catalogación como Fiesta de Interés Turístico Nacional, conta con dous códigos QR que facilitarán o seguimento das actividades en tempo real. Un deles permite o acceso directo á web específica do Entroido e o outro permitirá a calquera que queira vivir esta festa saber en tempo real onde estarán danzando as damas e galáns a través de Whatsapp.

 

Martín Duarte, presidente da Asociación Cultural Cobres, matizou durante a presentación a diferencia entre “ver e vivir” o Estroido de Cobres. Para a primera opción o momento ideal será o martes 13 de febreiro, xornada grande dos festexos, na que ademáis do percorrido polos barrios haberá sesión vermú e pola tarde a Corrida do Galo presentada polo televisivo Isi e como predicadora @Letidataberna, creadora de contido en galego cun importante número de seguidores nas súas redes. “Pero quen queira vivir o Entroido ten que participar no percorrido que facemos do 10 ao 13 de febreiro por todos os barrios”, apuntou Martín Duarte. Arredor de 80 danzantes, con idades comprendidas entre os 5 e os 35 anos, adican o día enteiro a percorrer a pé coas danzas e coloridas vestimentadas cada unha das localidades de Vilaboa. “Eso haino que ver, a cara coa que nos recibe a xente; como nos abren as portas das súas casas”, insiste Duarte. César Poza convida tamén a participar directamente nesta parte máis interna do Entroido. “Calquera de fóra sentirase parte desta Festa a través dos propios recordos que as danzas despertan entre as persoas residentes en cada zona”, conclúe.

 

Na organización do Entroido, xunto ao nutrido grupo que percorrerá as parroquias, está outro de veteranos, con idades máis maduras, que traballan na recuperación de danzas tradicionais e que podán en escena o martes 13 na carpa da Festa.

ESCOLARES DO C.R.A DE VILABOA REÚNEN 100 KILOS DE ALIMENTOS PARA SERVIZOS SOCIAIS

A recollida estivo ligada á celebración dunha Carreira Solidaria pola Paz celebrada o pasado 31 de xaneiro.

Vilaboa, 5 de febreiro 2024.

Nenas e nenos do C.R.A de Vilaboa reúnen más de 100 kilos de alimentos coa súa Carreira Solidaria pola Paz celebrada o pasado mércores 31 de xaneiro e na que cada participante, xunto coa súa familia, colaborada coa doazón dalgún produto de alimentación.

Os alimentos recollidos foron entregados ao departamento de Servizos Sociais municipais nun acto simbólico ao que acudiron a concelleira María Canosa e o alcalde, César Poza, xunto co profesor responsable da actividade deportiva, Borja Varela Paz e a directora do C.R.A, Concha Pérez.

O CONCELLO HUMANIZARÁ O ALCOUCE, UNHA ALDEA TRADICIONAL PRÓXIMA AO CAMIÑO

A actuación priorizará a calidade de vida dos residentes, a seguridade dos peóns e reservará o espazo público para zonas de xogo e convivencia veciñal.

Vilaboa, 16 de xaneiro de 2024

– O Concello de Vilaboa comezará en breve a redacción do proxecto de humanización da aldea ou conxunto tradicional de Alcouce, en Figueirido, a través dunha subvención provincial concedida ao abeiro do Plan Ágora. Unha actuación que buscará mellorar o rueiro deste núcleo rural situado a escasos metros do tramo do Camiño Portugués que atravesa Vilaboa, poñendo en valor a singularidade arquitectónica dun entorno composto por tradicionais casas labregas.

Esta aldea conta xa cunha catalogación específica no PXOM que se verá reforzada con este proxecto de humanización para devolver aos peóns un espazo viario seguro, restrinxindo o tráfico rodado aos residentes, servizos e vehículos de emerxencias.

A actuación prevista neste ámbito busca mellorar a calidade de vida das persoas residentes neste entorno tradicional adicando os espazos públicos a zonas de estancia, xogo e relación seguindo o mesmo criterio de actuación que o goberno local aplicou xa a proxectos de humanización executados noutros barrios.

Neste sentido César Poza, alcalde de Vilaboa, apunta que se apostará pola plataforma única na sección dos rueiros, substituíndo o pavimento actual de aglomerado asfáltico por acabados de maior calidade e integración no conxunto arquitectónico, dotando aos espazos públicos de mobiliario urbano, zonas de sombra e nova iluminación. Preténdese tamén, na medida do posible, soterrar o cableado da rede de alumeado e de electricidade existente que discorren en aéreo e a renovación das luminarias, con criterios de calidade e aforro enerxético.

O CONCELLO DE VILABOA REMATA O ANO CON OBRAS EN MARCHA QUE SUPERAN O MILLÓN DE EUROS

O CONCELLO DE VILABOA REMATA O ANO CON OBRAS EN MARCHA QUE SUPERAN O MILLÓN DE EUROS.

Vilaboa, 30 decembro de 2023

 O goberno local de Vilaboa remata a ano 2023 con obras en marcha por un valor superior ao millón de euros entre as que se inclúe a ambiciosa reforma do centro social de O Picho, adxudicada este mes de decembro tras sair a licitación por 643.268 euros; a dotación de saneamento e reasfaltado de varias pistas en Bértola, Figueirido e Santa Cristina; o levantamento de muros que facilitan gañar espazos públicos como na Lufiña ou a construcción dun pontón en Sabaxáns para evitar que o caudal dun regato poña en risco o tráfico rodado nunha estrada local e facilite o tránsito da auga por debaixo do vial.

 

“A obra aparentemente máis ambiciosa é a construcción dun centro para o día a día da terceira idade no Picho, cun orzamento que ronda o medio millón de euros; pero para mellorar a vida cotidiana da poboación das parroquias a dotación de saneamento e a canalización das pluviais son obras básicas que non descoidamos e sobre as que nos puxemos a traballar nada máis rematar o verán”, apunta César Poza.

Mentras que as obras recén adxudicadas comezarán a executarse tralo descanso da construcción durante as datas de Nadal, outros traballos están xa en marcha como a ampliación da rede de saneamento en Amproa (Bértola), que rematará co repavimentado do vial e a correspondente sinalización; estes traballos continúan tamén en Outeiro e Bértola cun investimento conxunto que supera amplamente os 200.000 euros.

Nos últimos días adxudicaronse tamén as tarefas de reasfaltado da pista que une Gandarela con Casfalcón, en Figueirido, para reforzar a canalización das pluviais e mellorar un firme que se encontra nun avanzado estado de deterioro (25.374 euros).

No lugar de Acuña, en Santa Cristina, están en marcha diversas obras de saneamento e reasfaltado de pistas interiores, nas que os proxectos inclúen a dotación de taxeas que canalicen as augas pluviais cara regatos cercanos evitando a súa erosión sobre o asfalto, con humanización do entorno, por un importe de 283.917 euros e o reasfaltado da pista de Outeiro a Santa Cristina por 49.327 euros. No lugar de Lufiña a construcción dun muro de contención permite ao Concello a recuperación dun espazo público seguro coa humanización dun entorno que se completará coa instalación dunha barandilla e unha bancada perimetral. “En todos os lugares nos que é posible creamos espazos sociais, de encontro entre a veciñanza; nos que recuperar esa vella costume do rural de pararse a falar, a compartir”, apunta César Poza. Nesta mesma parroquia o Concello acaba de adxudicar o saneamento e reasfaltado da pista da Cardiña por un importe de 149.197 euros.

“Temos en marcha unha profunda transformación de Vilaboa. Sabemos que quedan moitas pistas por asfaltar e moitos lugares que ainda carecen de servizos básicos pero avanzamos porque temos un proxecto moi claro para o noso municipio e non hai tempo que perder”, insiste o alcalde de Vilaboa.

Ás obras xa mencionadas hai que engadir a senda peonil á igrexa de Figueirido, coa realización de muros de contención e canalización das augas pluviais ata a súa chegada ao cemiterio, donde remata co adoquinado de todo o entorno  convertendo a área na que está o cruceiro nunha praza ou punto de encontro con prioridade peonil.

PAPÁ NOEL CONFIRMA A SÚA PRESENZA EN PAREDES ESTE DOMINGO PARA VER O ALUMEADO

A asociación Carretera Vella organiza unha festa de benvida con música e chocolate e  convidarao a gozar da decoración de Nadal en toda Vilaboa.

Vilaboa, 19 de decembro de 2023

O trineo de Papa Noel aterrará este domingo en Paredes, convidado pola asociación veciñal Carretera Vella, para pasar a tarde coa rapazada de Vilaboa que se queira achegar a recordarlle as peticións de última hora. Incluso é posible que entregue agasallos aos asistentes si estes o solicitaron previamente a través do whatsapp do colectivo veciñal (687106830).

 Carretera Vella ten preparada unha gran festa para rapaces e rapazas na que haberá música ambiente, chocolate e chucherías para os máis pequenos, ademáis de panxoliñas en directo, agasallando así ao protagonista da Noiteboa tras confirmar o seu desexo de visitar o alumeado que a veciñanza de Paredes instalou de novo este ano neste tramo de estrada.

 Tamén os Reis Magos visitarán a composición decorativa deste entorno, xa que o día 5 de xaneiro rematarán o seu percorrido por todas as parroquias e lugares do municipio en Paredes, para compartir neste espazo un anaco de tempo cos máis pequenos.

 A veciñanza de Paredes acompañará a Papa Noel nun percorrido polo Mercadiño de Nadal, que este ano conta cunha variada oferta de artesanía e agasallo e dá cabida ás propostas das anpas do Toural e de Riomaior para recadar fondos para as excursións de fin de curso. Pero sobre todo mostraralle o potencial creativo das persoas residentes neste entorno que nesta edición enriqueceron a súa composición cun tiovivo artesanal, un iglú, a noria, un columpio, árbores, trasnos e ata un tren. En total máis de 400 metros lineais que derrochan ganas de transmitir ilusión.

 Convidarán a Papa Noel a facer unha paradiña antes de abandonar Vilaboa en Figueirido, donde o traballo da veciñanza encheu de cor e calor de Nadal o parque do Canaval e Cabadachán, un barrio transformado durante estas festas no que non quedou unha casa sen participar, ambientando incluso os tramos de estrada sen vivendas.

 

“Desde o goberno local de Vilaboa non nos podemos sentir máis orgullosos da capacidade creativa da nosa veciñanza e da súa implicación para que un municipio das dimensións do noso chame a atención en calquer rincón. Foi como si a ilusión se fose
contaxiando de casa en casa quedando moi poucas sen adornos; algunhas con iluminacións moi complexas e outras máis sinxelas, pero dar un paseo estes días por Vilaboa é un auténtico goce para os sentidos. É imposible circular por calquera estrada secundaria e non sonrir ao ver tanta luz”, apunta César Poza.

CONCELLO E ASOCIACIÓN CULTURAL CREAN UNHA IMAXE DE MARCA PARA O ENTROIDO DE COBRES

O evento festivo conta cunha web propia como parte do expediente iniciado  para a súa declaración como Fiesta de Interés Turístico Nacional.

Vilaboa, 15 de decembro de 2023

Concello de Vilaboa e Asociación Cultural Cobres presentaron a nova imaxe da marca Entroido de Cobres e a web propia coa que esta festa tradicional avanzará na súa promoción nacional e internacional, cumprindo así parte dos requisitos imprescindibles no expediente de Declaración de Fiesta de Interés Turístico Nacional aprobada polo goberno local este mesmo ano. A maiores, e partindo de que o evento xa ten a declaración de Festa de Interese Turístico de Galicia, a web do Entroido de Cobres está dispoñible en tres idiomas, ten accesibilidade para persoas xordas e cegas, cumple coa linguaxe inclusiva e recollerá toda proxección nacional e internacional deste evento.

Un proceso que tanto o o alcalde de Vilaboa, César Poza como a concelleira de Promoción Económica, Carmen Gallego, estimaron que terá un mínimo de dous anos. “É un expediente complexo e son moitos os parámetros que temos que cumprir antes de presentar a solicitude no Ministerio que corresponda coa ilusión de que este Entroido conte con esa distinción especial”, explicou Carmen Gallego. 

No acto de presentación o goberno local estivo acompañado por dous membros da Asociación Cultural Cobres, Dani Somoza e Lidia Peleteiro a quenes felicitaron pola recente recepción do premio Emilia Pardo Bazán de Turismo e que explicaron que contan xa cunha axenda de saídas e encontros para dar a coñecer o Entroido de Cobres e que a semana próxima os levará a Portugal e en xaneiro a Fitur. 

En canto á imaxe de marca do Entroido de Cobres o gorro é o elemento principal, combinando o compromiso coa tradición, apelando á vez á festa e á diversión. Nela pódese ver de xeito claro os ornamentos, as formas xeométricas na cultura castrexa galega e o escudo do Concello que presenta a historia e o entorno xeográfico de Vilaboa. 

As características particulares deste logotipo do Entroido de Cobres son as súas formas xeométricas imitando as frores, parte fundamental dos sombreiros que levan as madamas e os galáns, todo inspirado na cultura castrexa que ornamentaba as súas vasixas con formas xeométricas e que se perpetuaban no tempo. Por outra parte as cores do Concello de Vilaboa non só representan a contorna senón que tamén aportan un aire festivaleiro á mesma marca. O sombreiro leva ao espectador a asociar de forma rápida e sinxela o Entroido de Cobres.

oa.

VILABOA RECLAMA NO 25-N MÁIS ATENCIÓN Á VIOLENCIA CONTRA AS MULLERES DE MÁIS DE 65 ANOS

O goberno local aproba un Manifesto institucional que se lerá o día 24 e convida á veciñanza a participar nas manifestacións convocadas na contorna.

Vilaboa, 22 de novembro de 2023

O balcón da Casa Consistorial luce esta semana unha gran pancarta contra a violencia machista como símbolo do rexeite colectivo da veciñanza de Vilaboa a este problema estrutural da sociedade como complemento da iluminación nocturna do edificio coa cor morada que representa o feminismo. Baixo a pancarta darase lectura o día 24, ás 11.30 horas, ao Manifesto institucional no que o Concello de Vilaboa ten unha mención especial á violencia que sofren as mulleres maiores de 65 anos, “unha realidade que permanece a miúdo invisible e que agocha unha vida de vexacións, agresións, control e medo. Un colectivo especialmente vulnerable que require toda a nosa atención e apoio”.

O Concello de Vilaboa traballa para que ningún interese partidista estea por encima do recoñecemento do drama que supón esta violencia. “A ameaza dos que negan a violencia de xénero e avogan polo retroceso na conquista dos dereitos das mulleres, é un feito certo. A extrema dereita e a dereita extrema están moi presentes en España. Rompen consensos, limitan os dereitos de cidadanía onde gobernan, de xeito cruel coas mulleres. Pretenden que a regresión sitúe ás mulleres nunha minoría de idade perpetua”.

O Manifesto engade que negar a violencia de xénero non é inocuo, senón quefortalece aos agresores, desampara as víctimas e frea os avances en materia de igualdade. “Ante isto, os gobernos e as institucións con fonda raíz democrática temos que estar na vangarda en cada unha das frontes onde se dea a batalla, denunciando as verbas e as actitudes machistas dos que din defender España, tratando de quitarlle os dereitos a metade da poboación”.

E conclúe que a opción contra a violencia de xénero, é máis democracia. “Contra a extrema dereita, máis democracia. Para a igualdade efectiva entre mulleres e homes, máis democracia”.

Por elo, o Concello de Vilaboa convoca a toda a cidadanía de Vilaboa a participar nas distintas manifestacións da contorna para seguir traballando a favor da eliminación da violencia contra as mulleres.

Dentro da programación deseñada desde a Concellalía de Igualdade destaca tamén a inauguración da exposición “Á violencia de xénero dille non!”, que permanecerá aberta ao público ata o día 3 de decembro na Casa de Cultura de Riomaior.

Esta área municipal que dirixe Carmen Gallego rematará os actos programados con motivo do Día Internacional contra a violencia machista cunha xuntanza de todas as mulleres de Vilaboa que participaron nos obradoiros de Igualdade e Autocoidado que se desenvolveron nas diferentes parroquias do municipio durante as pasadas semanas. En total foron 14 xornadas formativas nas que as mulleres de Vilaboa tiveron ocasión de participar en Bértola, Figueirido, Paredes, O Picho e Santa Cristina de Cobres dunha aprendizaxe activa a partir da danza e tamén do debate sobre unha evolución social que ten por diante un longo percorrido. Estes obradoiros, que rematan cunha nova tarde de convivencia lúdica na Casa de Cultura de Riomaior o día 28, forman parte do Plan de Igualdade para a cidadanía aprobado polo Concello de Vilaboa.

BÉRTOLA RECUPERA A SÚA FESTA DO MAGOSTO TRAS ANOS DE PARÓN POLA PANDEMIA

San Adrián e Santa Cristina organizan tamén este sábado actividades lúdicas e Figueirido pospón o asado das castañas ata o día 25 de novembro,

 

Vilaboa, 5 de novembro de 2023

As parroquias de Vilaboa arrecederán a castañas asadas na xornada deste sábado coa celebración de magostos nas parroquias de Bértola, Santa Cristina e San Andrés de Cobres trala concurrida celebración desta mesma festa en Vilaboa o pasado sábado. Figueirido, sen embargo, esperará ata o día 25 de novembro para degustar as castañas que, en todos os casos, aporta o Concello a este convite gratuito para a veciñanza.

Bértola recupera esta festa por todo o alto tralo parón obrigado pola pandemia. Tras varios anos sen magosto, a asociación de veciños que preside Emilio Juncal Farto instalará unha carpa na que a partir das 19.30 horas se asarán máis de 600 kilos de castañas. Haberá xogos para a rapazada e unha monitora para dirixilos. Non será máis que o inicio da festa, xa que a comisión contratou dous tríos musicais para que o baile espante o frío. E agasallarán á veciñanza ademáis con rosca e queimada. Por si fora pouco, teñen previstos varios sorteos nos que os afortunados poden levar dúas cacheiras e dous xamóns ou dous reloxios de pulsera.

En Santa Cristina o magosto é tamén unha tradición con máis de 20 anos de historia. Ricardo Fernández, presidente da asociación de veciños A Cruz de Pedra, está ao fronte da organización dunha tarde de convivencia entorno ao magosto, os chourizos asados e viño do país gratis para todos os asistentes. Da ambientación encargaranse os grupos folclóricos da parroquia a partir das 19.30 horas.

Á mesma hora comezará a festa en San Adrián de Cobres. A Comunidade de Montes ten todo a punto para facer unha festa sinxela pero con moitas gañas de diversión. Castañas, choripán e un posto de venta de bebidas será suficiente para rendir tributo ao outono e que a veciñanza teña unha motivo lúdico para reunirse xunto a bo lume que ase as castañas.

 

 

O GOBERNO LOCAL ABRE UNHA ESCOITA ACTIVA PARA ANALIZAR OS ERROS DO CATASTRO

Sostén que a única vía legal para correxir as calificacións erróneas de fincas non urbanizables é a través dunha modificación do PXOM

 

Vilaboa, 14 denovembro de 2023. Implementar medidas realistas que garantan o crecemento de Vilaboa e resolvan os erros derivados da actualización do Catastro que variaron a clasificación de fincas rústicas como urbanizables. Esta foi a proposta prantexada polo grupo de goberno na sesión plenaria celebrada onte luns en Vilaboa e á que asistiron máis de medio centenar de veciños e veciñas do municipio. O goberno local abre unha escoita activa coas persoas afectadas para estudar polo miudo cada caso.

Un informe técnico, ao que se dou lectura na sesión, indica que a proposta do Partido Popular de exención do pago de IBI a todas as propiedades que non reúnan a condición de edificabilidade, non se axusta a dereito. A moción contaba por tanto cun informe desfavorable.

O alcalde, César Poza, explicou ás persoas asistentes ao pleno que o único xeito legal de regularizar a situación é a través dunha modificación puntual do PXOM que o goberno local xa ten en marcha coa contratación nos vindeiros días dos traballos. Por eso anima á veciñanza a trasladar ao Concello “todos eses casos particulares que necesitan un estudo individual e que temos que correxir”. Para facelo o Concello ten a disposición da veciñanza un técnico municipal, que tamén se encarga de tramitar o fraccionamento do pago dos recibos.

“Nin mentimos ni vendemos fume, como fixeron outros que so queren utilizar este tema para sacar réditos partidistas. Nós apostamos por unha actualización do PXOM porque é ferramenta e a medida realista que temos para solventar esta situación”, explica César Poza que deixa claro tamén que o obxectivo do goberno local é impulsar o crecemento de Vilaboa, para o que necesita uns ingresos sostibles.

Concellos limítrofes como Cerdedo-Cotobade, Soutomaior ou Cuntis contan con orzamentos superiores aos 4 millóns de euros, moi superior ao de Vilaboa; dato que César Poza considera suficiente para desmentir que “o noso gravamen impositivo sexa superior”. Neste sentido o alcalde recorda que o IBI se mantén conxelados e que o resto de taxas non rexistraron incremento algún nos últimos 4 anos. “Temos un municipio moi disperso, que obriga a extender una inmensa rede de saneamento e auga e un extenso entramado de camiños secundarios e viais que interconectan Vilaboa. É inviable manter os servizos sen uns ingresos anuais garantizados. Nós miramos ao futuro e temos proxectos ambiciosos que transformarán a nosa localidade e para conseguilo era necesaria a aprobación definitiva do PXOM no ano 2019”.

O CONCELLO DE VILABOA PREPARA UNHA ACTUALIZACIÓN DO PXOM ESTE MESMO ANO

A medida, iniciada o pasado mes de xullo, busca entre outras cousas correxir os erros do Catastro na calificación de fincas rústicas como urbanas.

Vilaboa, 11 novembro 2023.-  O Concello de Vilaboa contratará nos vindeiros días os traballos técnicos de actualización do Plan Xeral de Ordenación Municipal para o que xa aprobou o pasado mes de xullo a correspondente dotación orzamentaria a través dunha modificación de crédito. A tramitación deste procedemento administrativo en setembro permitiu ao goberno local comezar o proceso de contratación da empresa que realizará os traballos.

Esta modificación do PXOM, decidida polo goberno local de Vilaboa antes do verán, responde á necesidade de solventar os erros existentes na revisión catastral realizada mediante un proceso simplificado e que cataloga como urbanizables parcelas nas que non se pode construir.

“O único xeito que temos de correxir esta situación é a través dunha modificación puntual do PXOM que catalogue axeitadamente as parcelas. Detectamos estes erros casi de xeito paralelo á revisión realizada mediante un proceso simplificado polo Catastro e xa nos puxemos a traballar neste asunto”, explica César Poza, alcalde de Vilaboa.

O goberno local confía en que no primeiro trimestre do vindeiro ano estes traballos estén finalizados polo que será nese momento cando se organicen reunións veciñais en todas as parroquias para explicar con detalle os cambios que recollerá a actualización do PXOM e tamén será o momento en que as persoas interesadas  poderán solicitar os cambios que consideren oportunos.

Mentras tanto, o Concello de Vilaboa mantén durante todo este mes aberta a opción dun asesoramento personalizado a través de cita previa e a posibilidade de xestionar o fraccionamento do pago do IBI.

VILABOA PIDE Á XUNTA QUE TEÑA A PUNTO OS CARTOS PARA REFORMAR O PORTO DE SAN ADRIÁN

Pide á administración autonómica que non busque excusas e que non se escude  na falla dun informe para condenar á flota local a un ano máis de retrasos.

Vilaboa, 7 novembro 2023.-  O goberno local de Vilaboa esixe á Xunta do Partido Popular que dote o orzamento autonómico para 2024 de partida suficiente para acometer os traballos de reforma do porto de San Adrián. Insta á Portos de Galicia a ter os cartos suficientes para iniciar os traballos no momento en que teña o expediente completo e pídelle que non busque excusas nin se escude na falla dun informe sectorial para condear á flota local a un ano máis de retrasos.

O alcalde de Vilaboa, César Poza, solicitou á Dirección General de Costas a axilización do informe sectorial solicitado pola administración autonómica para engadir ao proxecto de remodelación do porto de San Adrián. Poza trasladoulle esta premura ao xefe do Servizo Provincial de Costas na última xuntanza mantida para abordar a ampliación da senda nas Salinas de Ulló.

O goberno local confía polo tanto en que a Dirección General de Costas priorice a elaboración do mencionado informe de xeito que en cuestión de meses esté a disposición da Xunta, motivo polo cal considera inaceptable que o goberno autonómico non teña dotado ao proxecto do porto de San Adrián de partida orzamentaria suficiente, botando balóns fora e culpando a outra administración do seu desinterese por executar un proxecto amplamente demandado e esperado tanto pola flota da ría de Vigo como pola veciñanza de Vilaboa.

O goberno local pregúntase cal será o argumento que esgrimirá a Xunta cando chegue o informe sectorial de Costas e careza de partida para iniciar os traballos. “Nós tivemos que esperar casi un ano para que nos recibira a conselleira e falar da PO-264, en Paredes. Deben pensar que o resto das administracións xestionan os tempos igual que eles”, apuntan desde o goberno local.

Por elo, o alcalde de Vilaboa solicita á Xunta que modifique os orzamentos incluíndo partida suficiente para iniciar a reforma do porto de San Adrián no ano 2024 evitando así novos retrasos. “Desde Vilaboa pedímoslle á Xunta que teña os cartos preparados para licitar a obra no momento que chegue o informe”, e engaden que a reforma do porto de San Adrián e o de Santa Cristina precisan unha partida de 3.000.000 de euros. “Que se preocupen menos do que está en mans do goberno central e que se preocupen de ter todo a punto para executar os traballos”.

O CONCELLO CONVIDA Á VECIÑANZA A AMBIENTAR RÚAS E PARQUES CUN CONCURSO DE DECORACIÓN

A participación nesta iniciativa, que conta con tres premios de 200 euros cada un, ten que ser colectiva e preferiblemente con material de refugallo.

Vilaboa, 3 novembro de  2023.- O Concello de Vilaboa confía na implicación de veciños e veciñas para encher de colorido e ambiente os espazos comúns da localidade, cunha perspectiva sostible e orixinal, nas próximas datas de Nadal. Para elo vén de convocar  o Concurso de Decoración de Nadal no que anima a participar a toda a veciñanza, de xeito colectivo montando unha ambientación de Nadal en calquera barrio, lugar, parque ou rúa.

Esta iniciativa de dinamización do entorno rural terá unha única categoría de participación, a colectiva. A veciñanza terá que agruparse en asociacións, colectivos ou grupos para dar forma a unha ambientación navideña con material de refugallo preferentemente. Haberá tres premios, dotados con 200 euros cada un. Premiarase acreatividade; a sensibilidade co medio ambiente e a decoración sostible e o espíritu deNadal reflexado na colaboración entre a veciñanza e o traballo en equipo e recuperando os valores de barrio.

As persoas interesadas en participar deberán formalizar a súa inscripción entre o 15 de novembro e o 7 de decembro a través do Rexistro do Concello ou do correo electrónico info@vilaboa.org .

As bases do Concurso, que están a disposición da veciñanza na páxina web do Concello, recollen a obriga dos participantes de montar e desmontar os elementos decorativos, que estarán expostos do 10 de decembro ao 8 de xaneiro.

Un xurado integrado por membros da administración local, polo alcalde de Vilaboa oupersoa na que delegue e por un membro de cada partido político con representación da Corporación visitará as composicións a partir do 17 de decembro e valorará o
deseño, orixinalidade, iluminación, fomento de valores locais e cantidade e tipoloxía dos materiais de reciclaxe empregados.
Os premios serán entregados o día 23.

 

LUZ VERDE AO PROXECTO DEFINITIVO DE REFORMA DO CENTRO SOCIAL E DE MAIORES DO PICHO

A actuación, aprobada no pleno extaordinario deste xoves, sairá de xeito inmediato a licitación por un importe de 560.197 euros

Vilaboa, 27 outubro 2023.-

A sesión plenaria extraordinaria celebrada este xoves en Vilaboa aprobou de xeito definitivo o proxecto de rehabilitación do futuro centro social e de maiores de O Picho e o inicio inmediato do procedemento de licitación, cos votos favorables do grupo de goberno e a abstención dos restantes membros da Corporación asistentes á sesión.

 A actuación ten un coste de 560.197 euros que se financiarán ao 80% a través do programa PON2030 da Deputación Provincial e a cantidade restantes con fondos propios do Concello de Vilaboa.

 Trátase dun edificio de dúas plantas situado nunha parcela de titularidade municipal cunha superficie de 863 metros cadrados no que se encontra tamén outra edificación auxiliar; todo elo en mal estado de conservación debido ao desuso e que agora será recuperado polo goberno de César Poza para converter ese entorno nun centro social e acondicionado para o día a día maiores de Vilaboa. A estrutura do edificio, que foi a  antiga escola unitaria de O Picho e que no pasado acolleu tamén  as oficinas da escola-obradoiro de emprego, será obxecto dunha reforma integral.

Esste proxecto de reforma transformará a edificación existente acondicionandoa para que sexa usada por persoas maiores, acometendo os cambios interiores necesarios para garantir a accesibilidade universal e a eliminación de barreiras arquitectónicas.

 A actuación contempla tamén o acondicionamento de espazos exteriores como xardíns e zona de esparcemento ao aire libre.

 O goberno local de Vilaboa da luz verde así a unha nova fase que permitirá ao municipio contar no Picho cunha infraestrutura moi demandada pola veciñanza xa que un dos seus usos principais será atender a alta demanda de atención no día a día das persoas maiores, unha alternativa que facilitará a conciliación das familias da localidade.

COSTAS INICIA OS TRÁMITES PARA EXECUTAR UN NOVO TRAMO DO SENDEIRO PEONIL DAS SALINAS

A actuación, que contará cun orzamento de 300.368 euros,  chegará ata a Cancela do Lobo

Vilaboa, 25 outubro 2023.
A Dirección General de la Costa y el Mar, dependente do Ministerio para la Transición Ecológica, inicia a construcción de dous novos tramos de senda costeira en Vilaboa, que partirán das Salinas de Ulló ata a Cancela do Lobo.

Trala reunión mantida hai uns días polo alcalde de Vilaboa, César Poza, co Servizo Provincial de Costas, o Concello recibiu xa a notificación do inicio da exposición pública do proxecto, abríndose así o periodo de presentación de alegacións.

A actuación prevista parte do ámbito das Salinas do Ulló, continúa durante aproximadamente medio kilómetro, bordeando a elevación boscosa que existe, ata conectar cun camiño existente na zona coñecida como A Cancela do Lobo.

A obra, que contará cun investimento de 300.368 euros, divídese en tres tramos diferenciados, considerados o primeiro e o último como rampas para salvar desniveis e como itinerario peatonal o tramo intermedio, tendo sempre en conta o entorno natural protexido e non urbanizado no que se ubica, así como que, na medida do posible, o trazado apoiase no do sendeiro existente para minimizar as afeccións medioambientais.

As características deste novo tramo de sendeiro garanten a accesibilidade a través dun itinerario peonil de más de 1,80 metros de ancho libre de obstáculos así como unha inclinación que non supere o 10% nos puntos máis altos.

O trazado contará tamén con bancos de madeira estilo nórdico e vaias rústicas que delimiten o paseo.

O goberno local de Vilaboa comezou en abril do 2021 as negociacións con Costas para que asumise a ampliación da senda das Salinas, como parte do proxecto global crear un sendeiro litoral que unise este entorno co Forno do Cal. Coa inicio deste proxecto, confirmado esta mesma semana, o tramo que parte das Salinas de Ulló avanza hacia Santa Cristina mentras que o Concello traballa en colaboración co GALP para executar un novo trazado que parte do Forno de Cal que garanta unha primeira senda peonil naquel entorno.

“É imposible para un Concello como o noso desenvolver un proxecto desta envergadura dunha soa fase, por iso deseñamos esta senda en varias fases. É moi satisfactorio para nós ir concretando estas ampliacións porque cada tramo nos acerca un pouco máis a ese soño que é ter un sendeiro litoral que vertebre Vilaboa”, indica César Poza.

O CONCELLO TRAMITARÁ O FRACCIONAMENTO DO PAGO DO IBI Á VECIÑANZA QUE O DEMANDE

Durante todo o mes de novembro persoal técnico atenderá, con cita previa, as consultas e trámites que prantexe a cidadanía.

Vilaboa, 23 outubro 2023.-  O Concello de Vilaboa tramitará co ORAL o fraccionamento do pago do Imposto sobre Bens Inmobles. Unha persoa estará a disposición da veciñanza nas depedencias municipais para solicitar o devandito fraccionamento do pago para todas aquelas persoas que queiran acollerse a esta opción. O goberno local de Vilaboa trata de minimizar así o gasto imprevisto ao que teñen que facer fronte as familias vilaboenses neste tramo final de ano. Este novo servizo, que estará en funcionamento todo o mes de novembro, debe solicitarse con cita previa a través do teléfono do Concello (986 708 215).

O goberno local repite por tanto a mesma medida de transparencia e información que xa adoptou a principios deste ano 2023 cando a cidadanía comezou a recibir as cartas do ORAL nas que se comunicaba a actualización dos valores catastrais. “Foron esas mesmas cartas as que nos alertaron de que o ORAL iniciara un procedemento simplificado derivado da aprobación do PXOM no 2019. Ata ese momento non sabíamos nada e que o fixemos daquela, e repetimos agora, foi poñer unha persoa a disposición da veciñanza para informarlles de todo o procedemento”. César Poza, alcalde de Vilaboa, insiste por tanto en que “en ningún momento se ocultou nada. Estamos ante unha actualización de valores no que as fincas urbanizables que ata agora non tributaban teñen que empezar a facelo. E iso supón tamén unha revalorización das propiedades”, apunta.

Insiste en que o ORAL en ningún momento se dirixiu ao Concello para informarlle previamente do inicio deste procedemento e “tampouco tiña obriga de facelo xa que a aprobación do Plan Xeral conleva o inicio desta revisión”.

En canto á politización que o Partido Popular está a facer dun tema extremadamente delicado, César Poza fai un chamamento á responsabilidade e recorda que o Concello de Vilaboa leva catro anos con todos os impostos conxelados. Frente a municipios limítrofes como Soutomaior, Ponte Caldelas, Marín ou Sanxenxo que nas últimas semanas aprobaron subidas de ata un 20% da meirande parte de taxas e impostos “en Vilaboa seguimos sen subir ningún, cunhas cuantías mínimas e imprescindibles para que se poida manter a prestación de servizos públicos coas máximas garantías”.

“AUGA MOL EN PEDRA DURA” CATALOGA OS BENS ETNOGRÁFICOS Á BEIRA DO GAFOS EN VILABOA

A asociación Vaipolorío agasalla ao Concello cun exemplar do libro no que Calros Solla  inventaria todos os elementos salpicados no curso do río.

Vilaboa, 24 outubro 2023.-

A asociación Vaipolorío agasalla ao Concello de Vilaboa cun exemplar do libro “Auga mol en pedra dura, inmobiliario etnográfico do río dos Gafos”, un traballo de Calros Solla que cataloga os diferentes elementos patrimonias situados ás beiras do Gafos ao seu paso por Vilaboa e Pontevedra. O agasallo foi recibido polo alcalde, César Poza, no transcurso dun encontro no que a asociación  ecoloxista estivo representada por Gonzalo Sancho e Ramón Laxe e ao que tamén asistiu Juan J. Soto, do colectivo Capitán Gosende

Este traballo recopilatorio recolle historias dos muíños, lavadoiros e pontellas salpicados ao longo do curso do Gafos e adica 75 páxinas a catalogar e inventariar cada uno dos elementos etnográficos situados nas parroquias de Vilaboa.

No encontro, César Poza renovou o seu compromiso con Vaipolorío de recuperación do muíño do Toxal, unha aspiración que confía en materializar ao longo de 2024, a fin de evitar un dano maior dunha estrutura con características únicas situada no núcleo de Santa Marta, en Bértola

O muíño está en pé, máis en avanzado estado de deterioro polo que urxe unha actuación de recuperación que garanta o futuro deste importante recurso patrimonial en Vilaboa, do que xa hai referencias claras na documentación catastral do Marqués da Ensenada de 1749.

Trátase dun muíño pertencente á modalidade de rego dunha única moa; unha edificación simple que acolle un complexo dispositivo mecánico accionado pola forza da auga. Está composto por unha presa, que ten por obxecto captar a auga do río; a levada, que conduce a auga da presa cara o muíño salvando o desnivel do terreo; a canle, que conduce a auga cara o rodicio; unha roda hidráulica con paletas curvas e un eixe vertical que move a moa; e a edificación do muíño propiamente dita, un sinxelo edificio de planta rectangular duns 8 metros cadrados de superficie, cuberto por un tellado a dúas augas constituído por paredes de cantería irregular nos que unicamente se practican dous vanos, un para acceder e outro para levar luz ao interior.

Para César Poza trátase dunha xoia arquitectónica e patrimonial “que fala de nós, da nosa cultura e das nosas tradicións”. Por elo, o Concello traballa na localización dos propietarios deste inmoble de quenes precisa autorización para proceder á rehabilitación; un paso previo á búsqueda da financiación necesaria para acometer os traballos.

uberto o sistema de combustión que se atopa en mal estado e que é necesario rehabilitar e restaurar para evitar o seu desmoroamento. A actuación contempla o rexunte das paredes internas, e a colocación dunha porta de acceso ó mesmo que garanta baixo situacións controladas e por motivos de limpeza, o acceso ó interior do mesmo.

A actuación que se vai acometer permitirá rematar a musealización do Forno a través da consolidación dos muros de adobe da parrilla do forno; o recebado dos muros interiores do forno que quedaron sen selar; a realización dun recheo concertado tinguido, emulando un estrato de superficie queimada, incorporando incluso carbóns ou madeiras e pedras calizas, para a mellor comprensión deste espazo e a remodelación das reixas de peche que ten na actualidade.

César Poza, alcalde de Vilaboa, indica que estas dúas actuacións continúan a liña de traballo iniciada no anterior mandato de basear a promoción turística do municipio na promoción dos seus elementos patrimoniais tanto naturais como arqueolóxicos.

O GOBERNO LOCAL MOBILIZA 1.687.824 EUROS EN OBRAS NOS PRIMEIROS 100 DÍAS DE MANDATO

O alcalde, César Poza, adianta unha “transformación de Vilaboa” que xa se intúe en Bértola coa reordenación do sistema viario municipal.

Vilaboa, 5 outubro 2023.-  O goberno local de Vilaboa mobiliza 1.687.824 euros no seus primeiros 100 días de mandato en obras rematadas, en execución, en periodo de licitación e as que teñen os expedientes rematados para sair a licitación. Ese é o balance que César Poza fai do primeiro trimestre deste novo mandato no que os veciños e veciñas lle entregaron unha confianza maioritaria que facilitará a transformación de Vilaboa. Entre as actuacións en marcha está a mellora da rede viaria en varias zonas de Bértola incluíndo a dotación de saneamento (189.429 euros) e Paredes (27.706 euros); a senda peonil á igrexa de Figueirido; o centro social e de maiores de O Picho; a reconstrucción de muros de contención en viais municipais; o saneamento e pavimentación no núcleo de Acuña ou a mellora dun camiño en Nores.

Nos últimos días remataban en Paredes as obras de asfaltado de varios viais, incluíndo a drenaxe, o repintado e a sinalización das limitacións de velocidade para garantir a seguridade dos peóns. En execución está ainda a remodelación da rede viaria en  Amproa, Bértola e Outeiro, lugar no que se está a ampliar a rede de saneamento municipal; dúas actuacións con orzamentos diferentes pero de execución conxunta para optimizar os recursos e ás que o Concello destinou 147.182 euros e 42.244 euros respectivamente.

“Temos en marcha unha profunda transformación de Vilaboa que xa se pode atisbar en Bértola coas actuacións que están en marcha e que mellorarán sustancialmente a calidade do sistema viaria, coa dotación de servizos, á vez que revalorizan todo o núcleo”, apunta César Poza.

Tamén en execución e en colaboración coa Deputación de Pontevedra avanza a senda peonil á igrexa de Figueirido, coa realización de muros de contención e canalización das augas pluviais ata a súa chegada ao cemiterio, donde remata co adoquinado de todo o entorno  convertendo a área na que está o cruceiro nunha praza ou punto de encontro con prioridade peonil.

Xa en proceso de licitación o Concello ten tres obras: o saneamento e pavimentación da Cardiña (149.197 euros); a mellora do camiño da Lufiña ás Cernadas (57.964 euros) e pavimentacións en Cernadas e Outeiro en Santa Cristina de Cobres (59.773 euros).

Durante estes meses tres primeiros meses de mandato o goberno local rematou os expedientes doutras catro importantes actuacións que sairán a licitación en breve. Trátase do centro social e de maiores de O Picho, que terá un investimento compartido coa Deputación de Pontevedra de 643.268 euros; a reconstrucción de varios muros de contención en viais municipais que se encontran en situación de risco por un importe de 69.697 euros; o saneamento e pavimentación, con humanización do entorno, no núcleo de Acuña por un importe de 283.917 euros e a mellora dun camiño en Nores por 30.576 euros.

“Temos un proxecto moi claro para Vilaboa no que continuamos traballando desde o primeiro minuto deste mandato. As máquinas están nos camiños e non paramos nin un momento os asfaltados, os saneamentos e a dotación de auga, xa que son servizos básicos que a xente demanda”, apunta César Poza.

 

VILABOA INICIA A RESTAURACIÓN DO PETROGLIFO DE ARREIROS E DO INTERIOR DO FORNO DE CAL

A actuación, que ten un coste de 28.713 euros, financiase a través dunha subvención concedida pola Axencia de Turismo de Galicia

Vilaboa, 21 outubro 2023.-  O Concello de Vilaboa procederá á recuperación de dous elementos singulares de cara ao seu aproveitamento turístico a través dunha subvención de 28.713 euros concedidos pola Axencia de Turismo de Galicia que con esta partida financia a totalidade da actuación. Concretamente o Concello recuperará o petroglifo do Chan de Areeiros, incluido no sendeiro dos Petroglifos de Cobres e o interior do Forno de Cal, elemento único do patrimonio etnográfico das Rías Baixas.

O petróglifo do Chan de Areeiros atópase na actualidade en mal estado debido á vexetación circundante e ás diferentes capas bioxénicas que impiden totalmente a súa visibilidade, perdendo un elemento fundamental do sendeiro, no que precisamente o reclamo son os propios petróglifos. Segundo consta no PXOM, este petróglifo caracterízase por ser “unha laxe situada nun contorno forestal a base de eucaliptos e piñeiros no que se aprecian labores de cantaría. Nela insculturáronse, cando menos, tres cérvidos (un deles astado e cunha lanza clavada no lombo), un antropoformo e un motivo xeométrico a base de clrculos concéntricos que aparece moi danado (desplacamento) por causa do lume”.

O traballo de recuperación realizarase por fases comezando pola delimitación da contorna e a roza manual, con control arqueolóxico, da vexetación inmediata aos paneis. Procederase posteriormente á limpeza manual da suciedade máis daniña que cubre os paneis dos gravados e actuarase sobre a pedra. Realizarse un levantamento 3D do petroglifo que facilite a comprensión deste elemento arquitectónico e instalaranse novos paneis informativos.

 

En canto ao Forno de Cal a rehabilitación que se realizou este ano deixou ao descuberto o sistema de combustión que se atopa en mal estado e que é necesario rehabilitar e restaurar para evitar o seu desmoroamento. A actuación contempla o rexunte das paredes internas, e a colocación dunha porta de acceso ó mesmo que garanta baixo situacións controladas e por motivos de limpeza, o acceso ó interior do mesmo.

A actuación que se vai acometer permitirá rematar a musealización do Forno a través da consolidación dos muros de adobe da parrilla do forno; o recebado dos muros interiores do forno que quedaron sen selar; a realización dun recheo concertado tinguido, emulando un estrato de superficie queimada, incorporando incluso carbóns ou madeiras e pedras calizas, para a mellor comprensión deste espazo e a remodelación das reixas de peche que ten na actualidade.

 

César Poza, alcalde de Vilaboa, indica que estas dúas actuacións continúan a liña de traballo iniciada no anterior mandato de basear a promoción turística do municipio na promoción dos seus elementos patrimoniais tanto naturais como arqueolóxicos.

 

“XIRAREI POLO MORRAZO” REÚNE NO CEIP RIOMAIOR AOS CINCO ALCALDES DA COMARCA

Nenos e nenas do centro educativo preguntan a César Poza como poden axudarlle a facer mellor o seu traballo e el convidaos a presentar suxerencias

Vilaboa, outubro 2023.- Xirarei polo Morraso. Este é o nome do proxecto no que está inmersa a comunidade educativa do CEIP Riomaior de Vilaboa e que hoxe reuniu no seu salón de actos aos alcaldes dos cinco municipios que históricamente conformaban a comarca. César Poza exerceu de anfitrión nunha mesa que compartiu con Félix Juncal (Bueu), María Ramallo (Marín), Araceli Gestido (Cangas) e Leticia Santos (Moaña). Frente a eles un centenar de alumnos e alumnas dos seis cursos de Primaria do centro acompañados polo equipo directivo e o profesorado do colexio.

 Comezaron por explicar aos alcaldes un proxecto que ao longo do curso levará á cativada a investigar e indagar sobre cada una das localidades. Fanno en grupos, que eles denominan casas como un guiño a Hogwarts de Harry Potter, de 22 integrantes de diferentes idades. Cada un deles ten un escudo, un saúdo e un nome. Os de Vilaboa escolleron “Danzaríns de Cobres”; os de Cangas son “Cruzados do Hïo”; os de Moaña “Os druidas da Fraga” e os de Marín “Mouros Mariños”. Toda unha aventura co trasfondo literario da literatura xuvenil de Manuel Fariña, que visitará o centro este mesmo mes, e “Megatoxos”.

 Non tardaron moito en conquistar aos alcaldes e alcaldesas coas súas preguntas xenéricas sobre cadanseu municipio, pero tamén con moitas de carácter persoal. Por que escolleron a política como profesión, cales eran as súas asignaturas favoritas, as súas aficións e incluso a César Poza, preguntáronlle como lle podían axudar a facer mellor o seu traballo. “Aportando ideas”, foi a resposta do rexedor de Vilaboa, que traballa actualmente nun proxecto de remodelación do entorno do parque de Riomaior e convidou aos rapaces e rapazas a trasladarlle as súas suxerencias.

 Os nenos e nenas, que traballarán ao longo do curso aspectos como os xogos tradicionais de cada localidade, costumes culinarias coa elaboración de recetas a través de materia prima de cada pobo entre outras, aproveitaron a reunión dos cinco alcaldes e alcaldesas para documentarse e conseguir información de primeira man sobre o estado das praias, a situación da mobilidade, as especies que se comercializan en lonxa e os lugares que cada un deles recomenda visitar.

 O proxecto rematará a finais de curso cunha acción de impacto que pode ir desde a gravación dun vídeo promocional, ata a elaboración de paneis explicativos ou unha visita a un centro de maiores para compartir a experiencia con eles.

VILABOA ESTREA A SÚA PRIMEIRA TIROLINA NO PARQUE DE CANAVAL, EN FIGUEIRIDO

O elemento de xogo está pensado para unha poboación de entre 4 e 14 anos e conta cunha altura de saída de 1,58 metros-

 

 

Vilaboa, 10 outubro 2023.-  O remate da primeira fase do acondicionamento integral do parque infantil de Canaval, en Figueirido, inclúe a posta en marcha dunha tirolina cunha altura de caída de 1.58 metros, o primeiro elemento de xogo destas características instalado en Vilaboa e que o alcalde, César Poza, xa adianta que non será o único. Tras recepcionar os traballos, o resultado foi inspeccionado polo propio rexedor e pola concelleira de Servizos Sociais, María Canosa.

Desde hai xa varios días rapaces e rapazas de entre 4 e 14 anos gozan dunha tirolina doble que conta cunha plataforma de saída que facilita a diversión ás persoas usuarias de menor altura. A tirolina completa de momento un área de encontro infantil que conta con algúns outros elementos de xogos pero que pronto se verá completada cunha segunda fase, na que o proxecto recolle a construcción dunha pista multideporte de 20×10, composta por estrutura en aceiro inoxidable, frontais de protección parabalóns, porterías con dimensións regulamentarias, rede de barrotes antivandálicos de tubos de aceiro inoxidable, altura das canastas con dimensión reglamentaria de 3,05 metros e accesible a través das porterías con longo apto para cadeiras de rodas.

E haberá unha terceira fase para rematar o acondicionamento deste parque, que o dotará de zona de aparcamento e mesmo dun auditorio, convertendo o entorno nun punto de encontro social para toda a parroquia de Figueirido.

O Concello de Vilaboa comezou o ano pasado co acondicionamento de dúas parcelas nas que se asenta o parque do Canaval; unha de 6.440 metros cadrados situada sobre o falso túnel de Fontequente, en Canaval, no tramo Vilaboa-Pontevedra do eixo atlántico de alta velocidade. Esta superficie é unha concesión administrativa do ADIF ao Concello por un período inicial de 75 anos no que deseñou unha gran área de esparcemento social con espazos adaptados a todas as idades e que se irá acometendo por fases; e unha segunda parcela que é de titularidade municipal.

Para César Poza, alcalde de Vilaboa, trátase dun proxecto importante e moi ambicioso que reflexa o interese do goberno local por descentralizar e dotar ás parroquias de servizos esenciais. “Apostamos por levar a todas as parroquias prestacións similares e que os rapaces e rapazas dispoñan no seu entorno de espazos de calidade porque eso axuda tamén a fixar poboación”. O goberno local traballa tamén nun ambicioso proxecto de remodelación do parque de Riomaior, co obxectivo de convertilo noutro punto de encontro interxeracional para a poboación da contorna.

VILABOA RESPALDA CON 20.000 EUROS EN AXUDAS ÁS ENTIDADES DEPORTIVAS LOCAIS

Persoas físicas e asociacións poden optar ás subvencións ata o 10 de outubro

Vilaboa, 14 setembro 2023.- As persoas, asociacións e entidades deportivas de Vilaboa dispoñen de prazo ata o 10 de outubro para optar á liña de subvencións convocada polo Concello, que neste ano destina unha partida de 20.000 euros a este fin. As bases, que xa foron xa publicadas no Boletín Oficial da Provincia de Pontevedra e poden consultarse na web municipal, establecen que a subvención será repartida entre as entidades solicitantes atendendo a criterios como o fomento do deporte base; a incentivación da participación feminina no deporte; o fomento da práctica deportiva a través de actividades; a participación no deporte de elite e o apoio á participación en deportes infrarrepresentados.

Poden solicitar estas subvencións como persoas físicas os deportistas en activo que estén empadroados en Vilaboa dende hai polo menos un ano, que estén ao corrente das súas obrigas tributarias e que teñan xustificados os gastos correspondentes a subvencións concedidas anteriormente polo Concello de Vilaboa.

Na modalidade de persoas xurídicas poderán optar as que estén constituídas e domiciliadas en Vilaboa e inscritas no Rexistro Municipal de Asociacións, ademáis de estar ao corrente das súas obrigas tributarias.

As entidades e persoas solicitantes teñen que adxuntar á documentación esixida unha memoria da actividade que recolle o currículo deportivo, o número de licencias de deporte base, o fomento da participación feminina, as actividades organizadas, xustificación dos deportistas de élite, o apoio á participación de deportistas en disciplinas infrarrepresentadas e o orzamento de gastos. Son gastos subvencionables os desprazamentos para participar en adestramentos ou competicións, a adquisición de equipacións e materiais deportivos; a inscripción en eventos deportivos ou os investimentos e reparación de instalacións deportivas propias.

VILABOA PIDE PARA O ENTROIDO DE COBRES A DECLARACIÓN DE FESTA DE INTERESE TURÍSTICO NACIONAL.

O pleno respalda por unanimidade a proposta do goberno, que busca maior promoción e proxección desta festa popular que ten a súa orixe no século XVIII

Vilaboa, 26 setembro 2023.-  A sesión plenaria celebrada onte en Vilaboa acordou por unanimidade iniciar os trámites para a declaración do Entroido de Cobres como Festa de Interese Turístico Nacional, unha catalogación que corresponde outorgar ao Ministerio de Industria, Cultura e Turismo.

A proposta parte do goberno local ao considerar que o Entroido de Cobres é merecedor da protección, promoción e proxección que conleva esta distinción honorífica e que suporá un paso máis na posta en valor dun festexo que conta no seu haber coa catalogación de Festa de Interese Turístico de Galicia desde 1999.

O alcalde de Vilaboa, César Poza, recorda que o Entroido de Cobres é unha manifestación cultural de larga tradición popular, que ten unha grande importancia como atractivo turístico e que forma parte do patrimonio inmaterial de Vilaboa, posto que a súa celebración foise pasando de xeración en xeración mediante, fundamentalmente, a cultura oral.

O arraigo desta festa na localidade amósase ano a ano coa participación dos veciños e veciñas e das xentes da contorna, nun dos actos máis sobresaíntes, que é a “corrida do galo”.

As orixes deste entroido remóntanse ata o século XVIII. Madamas, galáns e “aldeanos” representan distintas posicións económicas e roles sociais, tanto mediante as súas vestimentas como polo lugar que ocupan nos pases, bailes e exhibicións.

Os “aldeanos”, traballadores humildes, van vestidos de distintos oficios mentras que as madamas e galáns levan sempre roupa branca cuberta de encaixes, cintas de cores, abalorios, xoias, etc. Destaca neles o seu grande e vistoso sombreiro feito a man, que combina cor e flores naturais, chegando apesar entre 6 e 8 kilos. E sempre, coa cara descuberta.

Durante o entroido percorren todas as parroquias de Vilaboa acompañados por unha charanga e animando as rúas coa popular Danza de Cobres.

Para César Poza o Entroido de Cobres é orixinal, vistoso e singular e considera que merece a pena velo polo menos unha vez na vida. “Este recoñecemento, para o que demos o primeiro paso coa aprobación en pleno, vaille dar un pulo de visibilidade ao noso Entroido que, sen dúbida, é un dos principais activos turísticos cos que conta Vilaboa”, apunta o alcalde.

 

O CONCELLO DA LUZ VERDE AO INICIO DA CONSTITUCIÓN DO ENTE SUPRAMUNICIPAL QUE XESTIONARÁ O ABASTECEMENTO DE AUGA


O goberno local considera “clave” axilizar a tramitación xa que o desenvolvemento futuro do municipio depende deste servizo.
 

Vilaboa, setembro 2023.- O pleno de Vilaboa dou luz verde ao inicio dos trámites para a constitución do ente supramunicipal que se encargará da xestión do sistema de abastecemento de auga, cumprindo o acordado na reunión convocada pola Consellería o pasado mes de xullo. Este ente será o concesionario e titular das infraestruturas de abastecemento a Pontevedra e á súa ría e que permitirá a Vilaboa solicitar un caudal de 1.000 litros/segundo a captar no río Lérez e no rego de Rons dende o encoro do Pontillón do Castro.

O goberno local de Vilaboa considera clave este primeiro paso xa que supón o inicio da solución ao grave problema que ten o municipio de abastecemento de auga e que está a condicionar o crecemento tanto industrial como urbanístico da localidade. “O noso proxecto para Vilaboa pasa por unha vertebración dos núcleos a través do servizo de abastecemento de auga. Ten bolsas de chan residencial que non poden desenvolverse ao non garantir o servizo de auga. Para nós é fundamental desbloquear esta infraestrutura e que o abastecemento chegue a Vilaboa”, explica César Poza.

Dende o ano 1990 atópase en funcionamento o sistema de abastecemento de auga conxunto para o concello de Pontevedra e concellos da súa ría. Inicialmente o sistema configurouse para Pontevedra, Poio, Sanxenxo, Marín e Bueu, e con posterioridade acometéronse conexións cos concellos de Vilaboa e Pontecaldelas. Dito sistema, que comprende a captación, transporte, depuración e almacenamento da auga, parte da ETAP de Couso no río Lérez (Pontevedra) así como do rego de Rons dende o encoro de Pontillón de Castro

Na tramitación do expediente da obra “Planta de tratamento de auga potable, condución e depósitos para abastecemento de auga á Pontevedra, Poio, Sanxenxo, Marín e Bueu”, licitado en 1983 pola Confederación Hidrográfica del Norte, xa figuraba o compromiso dos concellos de constituír unha entidade supramunicipal para a xestión do sistema.

O novo abastecemento de auga ao concello de Pontevedra e a súa ría contemplouse como unha obra de interese xeral na Lei 10/2001 do Plan Hidrolóxico Nacional (art.36) e para a súa execución asinouse o 21 de setembro de 2012 un convenio para a construción e explotación da actuación “Nuevo abastecimiento de agua a Pontevedra y su ría”, entre a sociedade estatal Aguas de las Cuencas del Norte S.A. (posteriormente asumido pola empresa publica ACUAES) e os concellos integrados na dita rede (no sucesivo, o Convenio).

O sistema está deseñado cunha capacidade de tratamento de 1.000 litros/segundo, co obxectivo de garantir o abastecemento á poboación en calidade e cantidade, actual e futura, así como tamén atender as demandas dos usos agrícolas, gandeiros e industriais, entre outros. 

No convenio citado faise referencia expresa ao compromiso que asumían os concellos asinantes en orde a constituír a entidade supramunicipal chamada a exercer as competencias de abastecemento en alta que lles corresponden por Lei, en aplicación das disposicións legais en materia de xestión das augas publicas.

Na reunión mantida o pasado dia 27 de xullo de 2022 na sede da delegación da Xunta de Galicia en Pontevedra cos representantes da Administración Hidráulica de Galicia constatouse, entre outras cuestións, que é necesario proceder coa maior brevidade posible a corrixir a situación de irregularidade administrativa na que se atopa o actual sistema de abastecemento de auga á ria de Pontevedra; so así poderá acadarse unha solución definitiva a un problema que se ven perpetuando no tempo cun claro prexuízo non so no que atinxe á correcta e axitada prestación dun servicio público esencial senón tamén á propia ordenación territorial e desenvolvemento urbanístico dos concellos implicados. 

O 28 de xullo de 2023 mantense unha nova reunión na sede da delegación da Xunta de Galicia en Pontevedra con participación dos sete concellos, representantes de ACUAES e da Administración Hidráulica de Galicia. Nesta xuntanza os concellos acordan constituír unha entidade supramunicipal e solicitar unha concesión conxunta de 1.000 litros/segundo, caudal que se corresponde coa capacidade das instalacións de tratamento.

 

Este sitio web emprega cookies para que vostede teña a mellor experiencia de usuario. Si continúa navegando está dando o seu consentemento para a aceptación das mencionadas cookies e a aceptación da nosa política de cookies, pinche o enlace para maior información. // Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies