Concello recepciona unha actuación que dota ao entorno dunha área de aparcamento, adoquina o acceso, crea un esceario e instala paneis informativos.

Vilaboa, 28 de outubro de 2025.- O alcalde de Vilaboa, César Poza, asinou esta mañán a acta de recepción da obra de remodelación da contorna do Forno do Cal, unha actuación o acondicionamento dun amplo espazo de estacionamento á beira da estrada N-554 e a instalación do nome de Vilaboa en vistosas letras, iluminadas de noite, e visibles desde o outro lado da ría.

 O topónimo en letras tamaño XL, en cor ocre e dun material resistente ás inclemencias do tempo, da así a benvida a quen se adentre no municipio procedente da rotonda de interconexión co Morrazo e coa AP-9 reforzando a imaxe de marca local e convertendo este recuncho nun lugar idóneO para quenes queiran inmortalizar en redes o seu paso por este enclave.

O adoquinado do vial de acceso con canalización para as augas pluviais, a construcción dunha pequena praza que distribúe o sendeiro ata a praia e ata o Forno, a colocación dunha barandilla de suxeitamento e a dotación dun esceario accesible para a organización de actos neste entorno completan unha obra que, entre outras moitas cousas, solventa as carencias de aparcamento deste enclave garantizando tamén unha maior seguridade viaria.

Os traballos incluiron tamén a colocación de numerosos puntos de luz solar que iluminan os paneis informativos, o perímetro da senda adoquinada, o nome de Vilaboa e a pequena praza que distribúe todo o entorno. 

A posta en valor do Forno do Cal comezou no ano 2022 coa recuperación deste elemento singular do patrimonio industrial de Vilaboa, un entorno que hoxe é xa escenario de encontros e actividades de reunión coa veciñanza, ademáis dun elemento de alto valor didáctico co que traballan os centros escolares do municipio. 

A recuperación deste entorno forma parte dun ambicioso proxecto no que o Concello contou coa colaboración da empresa Pesca Puerta propietaria da parcela, e coa Comunidade de Montes de San Adrián que cedeu os terreos . 

“Este entorno, totalmente oculto pola maleza hai tan so uns anos, é hoxe unha auténtica xoia patrimonial da que toda a veciñanza de Vilaboa se sinte orgullosa. O tamaño das letras e a iluminación que ten todo o ámbito fai que o Forno do Cal brile dun xeito espectacular ata desde o outro lado da Ría”, explica César Poza que apela á colaboración de toda a cidadanía para preservar intacta esta área. “Coidala é unha responsabilidade compartida”, conclúe.

Convida á veciñanza a secundar a convocatoria para que Educación repoña o profesorado auxiliar e o especializado en audición e linguaxe.

Vilaboa, 27 de outubro de 2025.- O Concello de Vilaboa, en defensa dunha educación  pública de calidade, convoca á cidadanía a participar e respaldar a manifestación convocada pola ANPA O Toural contra os recortes aplicados pola Xunta de Galicia neste centro educativo e que afectan directamente ás familias e alumnado do municipio. A manifiestación terá lugar este xoves día 30 ás 20 horas e percorrerá a distancia entre o centro educativo e o Concello de Vilaboa.

Os recortes implementados pola Consellería de Educación están a xerar graves consecuencias para a comunidade educativa de Vilaboa tanto en materias de audición e linguaxe como en profesorado auxiliar.

Así, e segundo confirmou a dirección do centro escolar ao alcalde de Vilaboa, César Poza, a atención especializada queda limitada aos casos extremos, deixando sen cobertura a numerosos nenos e nenas con diferentes problemáticas derivadas da linguaxe que viñan sendo atendidos. Esta situación obriga a moitas familias a buscar logopedas privados, o que supón un custo económico inasumible para moitos fogares e un agravamento das desigualdades educativas.

Os recortes de persoal dificultan a realización das gardas escolares. O colexio do Toural, que precisa profesorado de garda paracubrir dúas entradas por cuestións de organización e seguridade, afronta serias dificultades para garantir unha vixilancia axeitada. Esta carencia pode derivar en situacións de risco para o alumnado e incluso a eliminación de saídas educativas por falta de persoal no cadro docente

O goberno local de Vilaboa alerta de recortes cada vez máis frecuentes en áreas tan básicas como a educación e a sanidade. “Os servizos públicos véñense vendo mermados, e xa comezamos a ver as súas consecuencias nas nosas vilas”, apunta César Poza.

O Concello de Vilaboa fai un chamamento á participación cidadá activa para defender os dereitos fundamentais da comunidade educativa. “É responsabilidade de todos e todas loitar por unha educación pública, gratuíta e de calidade que garanta a igualdade de oportunidades para todo o alumnado, con independencia da súa situación económica ou das súas necesidades educativas específicas”, argumenta o alcalde de Vilaboa que ademáis indica que “a educación pública é un pilar fundamental dunha sociedade xusta e equitativa. Os recortes na atención especializada, no profesorado de apoio e nos recursos educativos supoñen un retroceso nos dereitos sociais que non podemos permitir”.

Por elo, o goberno local convoca a toda a veciñanza de Vilaboa a participar na manifestación para reclamar a reversión dos recortes en educación; a restauración das horas de atención especializada en audición e linguaxe; a recuperación do profesorado auxiliar eliminado e un compromiso firme da Xunta de Galicia coa educación pública de calidade.

“A educación é un dereito, non un privilexio”, conclúe César Poza.

O Concello súmase ao Plan +Rieiro e complementa esta revisión dotando de nova imaxe corporativa o cómputo das vivendas.

Vilaboa, 20 de outubro de 2025.- O Concello de Vilaboa da un paso adiante na transformación dixital e modernización do territorio con dúas actuacións que se van desenvolver en paralelo e ao mesmo tempo. Por una parte a administración local está inmersa na revisión da nomenclatura de núcleos e lugares e na revisión da numeración de cada zona poboada.

Deste xeito en breve comezarase a colocación, de xeito totalmente gratuito, dun novo modelo de numeración de cada vivenda, dándolle así unidade estética a todo o municipio e facilitando o traballo tanto do persoal de Correos, como de transportistas e mensaxeiros.

Por outra banda, o Concello adheriuse ao plan +Rueiro, de transformación dixital e modernización de municipios da Deputación Provincial para actualizar o censo das vivendas.

Este convenio permitirá ao Concello realizar unha análise exhaustiva da información existente sobre o territorio municipal, revisando a nomenclatura oficial dos lugares e núcleos segundo os datos do INE e contrastando a situación actual da numeración dos inmobles. A cartografía seleccionada será preparada e adaptada para servir de base na fase de dixitalización, creando un proxecto en formato dixital compatible con sistemas de información xeográfica.

Sobre esta base integraranse diferentes fontes de datos, como os ficheiros catastrais e estatísticos municipais, ademais doutras capas relevantes como ortofotos ou calquera outro tipo de información que facilite o traballo técnico e de campo.

Implementarase unha plataforma baseada en software libre que permita xestionar e visualizar toda a información recompilada, vinculando cada inmoble co seu correspondente número municipal e a súa referencia catastral. Esta ferramenta contará con funcionalidades que favorezan a consulta e localización precisa dos elementos incluídos. Ademais, elaboraranse ficheiros específicos para facilitar a posterior actualización das bases de datos do Catastro e do INE, incorporando os cambios e correccións derivados do proceso de revisión. Cando a análise inicial non permita determinar a numeración exacta de determinados inmobles, realizaranse visitas sobre o terreo co obxectivo de identificar fisicamente os números existentes, detectar construcións sen numerar e comprobar a correspondencia entre a súa localización e os datos catastrais dispoñibles. Esta fase permitirá corrixir posibles erros e completar a información

Unha vez reunidos todos os datos, procederase á súa análise, comparando a numeración oficial coa información do Catastro e completando o rexistro de cada elemento coa súa referencia, nome do titular, e calquera numeración anterior e nova. No caso de detectar edificios sen numeración ou situacións que requiran renumeración para mellorar a coherencia do rueiro, estableceranse propostas que serán comunicadas ao Concello para a súa validación e posterior notificación aos propietarios afectados. O traballo someterase a exposición pública antes da súa aprobación formal.

A Conta Xeral recén aprobado reflexa unha excelente saúde financiera cun superávit estutural, o cumprimento da regra de gasto e a ausencia de débed.

Vilaboa, 13 de outubro de 2025.- A recente aprobación en pleno da Conta Xeral de 2024 demostra a boa saúde financieira do Concello de Vilaboa resultado dun modelo de xestión dos recursos municipais baseado no cumprimento dos parámetros legais sen renunciar ao reforzo dos servizos á veciñanza.

Así, a Conta Xeral 2024 reflexa un superávit estrutural de 471.088 euros así como o cumprimento estricto dos principais parámetros fiscais no que se refire á estabilidade orzamentaria, regra de gasto e débeda pública. O Concello cumpre tamén coa regra de gasto establecido pola normativa vixente, ao situarse por debaixo do límite marcado por lei.

En canto ao pago a proveedores, Vilaboa baixou o promedio dos 14,43 días de media do 2023 aos 7,92 días da anualidade 2024, mellorando sustancialmente o seu ratio, un parámetro do que o goberno local se amosa especialmente satisfeito.

En canto ao grado de execución do orzamento en 2024 este sitúase nun 99,47% o que implica unha áxil capacidade de xestión para executar os investimentos previstos. Cabe destacar tamén a total ausencia de débeda, sen ningúnha operación de préstamos nin a medio a longo prazo dende o ano 2020.

“Estes datos son a evidencia dunha xestión responsable e sostible e unha garantía de seguridade no cumprimento do calendario de traballo que presentamos cando se aprobou o orzamento de 2024”, explica César Poza. 

“A Conta Xeral corrobora que temos débeda cero e unha execución orzamentaria moi eficiente. Estamos satisfeitos con este resultado sobre todo porque nos da marxe para seguir investindo e avanzando cara ese proxecto de desenvolvemento que temos para Vilaboa e que nos permite ter en marcha agora mesmo proxectos ambiciosos que avanzan de xeito paralelo á dotación de servizos básicos como é a extensión da rede de saneamento e a mellora da rede viaria”, conclúe César Poza.