O concurso, organizado en colaboración coa Asociación de Veciños de Figueirido, mantén aberto o prazo de inscripción.

Vilaboa, 15 de abril 2025.- O Concello de Vilaboa convoca a XL edición do Festival dos Maios, en colaboración coa Asociación de Veciños de Figueirido, destinando 600 euros ás tres composicións florais que reúnan unha maior puntuación na modalidade cónica, única que valorará o xurado. O prazo de inscripcións, a través do correo electrónico info@vilaboa.org, permanece aberto.

O concurso está orientado a alumnado escolar de calquer idade e as bases recollen a descalificación inmediata en caso de rexistrarse algunha falta de respeto verbal nas letras dos maios; unha decisión que corresponderá adoptar ao xurado que nesta edición estará integrado polo concelleiro de Cultura, un técnico municipal e un membro do colectivo veciñal, ou persoas nas que deleguen.

Puntuarán a calidade das letras e a utilización da tradicional retranca galega para abordar temas de actualidade tanto de ámbito político como social en canto ao carácter crítico, irónico e sarcástico do texto; tamén a calidade do canto tanto a nivel individual coma no conxunto, atendendo sobre todo a entonación, forza e o carácter harmónico do conxunto do maio e por último valorarán o mellor maio, tanto nos adornos como no aspecto exterior como no interior.

As composición que logren as maiores puntuacións serán as gañadoras establecéndose uns premios de 300 euros para o primeiro clasificado; 200 para o segundo e 100 para o terceiro.

O Festival terá lugar o día 1 de maio na Casa de Cultura de Figueirido ás 18 horas e os maios participantes deberán estar no entorno con media hora de antelación.

O alcalde convida durante a inauguración ao consumo e á defensa dos productos locais de “calidade inmellorable.

Vilaboa, 12 de abril 2025.-

A variedade nas elaboracións e a calidade dos pratos presentados nos diferentes stands de cociña favoreceron unha excelente acollida por parte do público na primeira xornada da Festa do Mar de Vilaboa que se desenvolve no adro das festas de San Adrián ata este domingo 13 de abril.

O acto de inauguración do evento correu a cargo do alcalde de Vilaboa, César Poza, que estivo arroupado por representantes do sector e aproveito a súa intervención para convidar a toda a veciñanza a consumir e defender os produtos do mar de Vilaboa “pola súa calidade inmellorable” e tamén porque o “o sector do mar é moi importante para no municipio e é imprescindible poñer en valor o seu traballo”.

As ostras e o polbo foron dous dos produtos que máis demanda rexistraron nesta primeira cita da Festa, seguidos do choco que, sen dúbida, foi o prato estrella. Elaborado en empanada, en empanadillas ou con arroz as elaboracións a base de choco conquistaron aos comensais.

O restaurante A casa de Rosa de Mazaroca e a Taberna A Garboa desprazaron as súas cociñas á carpa para elaborar en vivo as distintas propostas coas que rinden tributo ás mariscadoras e bateeiras de Vilaboa. Tanto estes dous establecementos como a Panadería Figueirido, cunha receita propia de empanada de mexillón e de choco, traballaron en colaboración coa Confraría de Vilaboa para facer un produto que escasea e que elevou o coste da materia prima básica para a elaboración dos pratos.

A pastelería Doceiras do Mar encargarase do toque doce, cunha gran variedade de sobremesas a precios populares e o stand  cafetería está da man do bar Chancho. E xunto aos produtos do mar comparten protagonismo e promoción os viños da IXP Ribeiras do Morrazo das adegas Os Areeiros e Ardán. 

Os stands degustación volverán a abrir esta noite e mañán domingo ao mediodía con  tapas  e racións con  prezos populares: croquetas de polbo e mexillón a 6 euros; empanadillas de choco a 5 euros; arroz con choco a 9 euros ou ameixas con garabanzos e polbo a 9 euros e mexillón ao vapor a 6 euros na Taberna A Garboa.  Pola súa parte A casa de Rosa da Mazaroca oferta as tapas de ameixas con fideos a 7 euros,  as ameixas á mariñeira a 8, o choco negro con arroz a 7,50, o mexillón en escabeche a 6 euros e seis unidades de croquetas de mexillón a 5 euros.

O programa musical, aberto este mediodía polo dúo Los Dinámicos, continuará hoxe às 21 horas coa charanga Os Encerellados e mañán coa actuación de Os Jalácticos ás 13 horas.

Tanto o alcalde de Vilaboa, César Poza, como a concelleira de Dinamización, Carmen Gallego, convidan á veciñanza da contorna a achegarse  a San Adrián e gozar tanto da variedade de produto extraído das augas da ría como da calidade na elaboración que ofertan os restaurantes locais, a quenes o goberno local agradece a súa implicación con esta Festa que ten como obxetivo “a posta en valor dun sector, o do mar, cun peso importante en Vilaboa e que ten que enfrentar moitas dificultades”.

A artesanía local ten tamén este ano o seu espazo na carpa da Festa. Carmen Castro con “Cachiboreta”, amosa o seu taller de transformación con produtos vintage e motivos mariñeiros. A orfebre local Pilar Blanco  presenta unha ampla colección de complementos inspirados na primaveira vilaboense. 

O Concello adica un dos stands á promoción turística do propio municipio con información sobre rutas de sendeirismo, o entorno do Forno da Cal e As Salinas de Ulló, que comparte espazco co Punto Lila de información e asesoramento contra as violencias machistas.

As partidas para investimentos superaron os 2 millóns, o que supón un incremento do 68% con respecto ao ano anterior.

Vilaboa, 5 de abril 2025.-

O Concello de Vilaboa deu luz verde na última sesión plenaria á liquidación do orzamento de 2024 que reflexa a excelente saúde económica das arcas municipais, cun Remanente de Tesourería de 2.474.193,34 euro, que o goberno local destinará a diferentes proxectos urxentes para Vilaboa. Pecha así o ano cumprindo cos principais parámetros fiscais no que se refire á estabilidade orzamentaria, regra de gasto e débeda pública. A ausencia total de endebedamento por parte do Concello de Vilaboa demostran a súa solvencia e estabilidade orzamentaria que se demostra no pago puntual a proveedores, un parámetro do que o goberno local se amosa especialmente satisfeito.

“Despois das obras executadas o ano pasado e das actuacións que xa temos en marcha neste primeiro trimestre de 2025, o remanente de tesourería é a evidencia dunha xestión responsable e sostible e unha garantía de seguridade no que a cumprimento da folla de ruta marcada ao inicio da tempada se refire”, explica César Poza. A solvencia financieira de Vilaboa permitiu ao goberno local incrementar no 2024 os investimentos un 68,55% con respecto ao exercicio anterior, superando os dous millóns de euros. E todo elo cun orzamento de 4,22 millóns de euros e que acadou os 5,74 de execución orzamentaria.

“Rematamos o ano 2024 con débeda cero, cunha previsión de gastos e ingresos moi axustada á realidade e unha execución orzamentaria moi eficiente. Estamos satisfeitos con este resultado sobre todo porque nos da marxe para seguir investindo e avanzando cara ese proxecto de desenvolvemento que temos para Vilaboa e que nos permite ter en marcha agora mesmo diferentes áreas de esparcemento descentralizadas e seguir avanzando na dotación de servizos básicos como é a extensión da rede de saneamento e a mellora da rede viaria”, conclúe César Poza.

Mellorarase a seguridade vial en todo o trazado e canalizaranse as augas pluviais.

Vilaboa, 4 de abril 2025.- O Concello de Vilaboa inclúe nas obras a executar este ano 2025 no Plan Máis Provincia o asfaltado dun vial principal e outro secundario na Ramalleira co obxectivo de mellorar a seguridade viaria polo que, na medida do posible, ampliarase a sección da calzada gañando a superficie dalgúns sobreanchos e renovarase a capa de pavimento con extensión dunha nova de aglomerado en quente de 5 centímetros de espesor. A actuación inclúe a sinalización horizontal e vertical executando ademais redutores de velocidade tipo “lomo de asno”.

Os traballos comezarán coa demolición dos pavimentos actuais e a limpeza mecánica e manual das cunetas, o fresado en acceso a vivendas e conexión con outros tramos, a renovación da capa de rodadura e o realce das tapas de rexistro en calzada mediante dado de formigón.

Actuarase tamén no encontro dun camiño municipal coa estrada nacional N-550 coaa renovación da capa de rodadura con aglomerado en quente. Neste punto para a drenaxe das augas pluviais executarase unha reixa de drenaxe transversal que recollerá a auga de escorrentía da chuvia.